Isaiah 42:3 - Tedim Bible

³ amah in a kisunimsa pumpeng sukham lo ding a, a khu suak mei khau sumit lo ding hi. Amah in thumanna tawh mi khempeuh tungah thutang thu sem khia ding hi.

Tedim Bible Revision 2017

³ Amah in a zawngkhal mite dop bawl dinga, a cimawh mite tungah migi ding hi. Amah in thumanna tawh mi khempeuh tungah thutang thu sem khia ding hi.

Isaiah 42:3 Referans Kwoze

Ezekiel 34:16

Keimah in a mangte zongin, a lam pialte kaikhawmin, a liamte a liamna tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh keimah in a manin a gamta tuucingpa ka hi hi.

Mattiu 11:28

Van gik pua a, a gim mi khempeuhte aw, ka kiangah hong pai ta un. Tawldamna ka hong pia ding hi.

Jeremiah 31:25

Bang hang hiam cih leh a gim mite ka tawldam sak ding a, gil kial a, a tha zawm mite khempeuh an ka vak kham ding hi,” a ci hi.

Isaiah 40:11

Amah in tuucingpa bangin a tuuhonte an vak ding a, amah in a tuunote a khut sungah kaikhawmin, amah in tuate a ang sungah pua ding a, no ngeek a neite pen dam takin paipih ding hi.

Late 147:3

Amah in lungsim kitamte damsak a, amau’ meimate tuamsak hi.

Johan 5:30

“Keimah in ka ut bangin ka hih thei kei hi. Ka zak bangin thu ka khen hi. Ka thukhenna in thu taktak ahi hi. Bang hang hiam na cih uh leh, keima deihna bang hi loin, kei hong sawlpa’ deihna bangin ka hih hi.

Mangmuhna 19:11

Tua khit ciangin vantung kihongin ka et leh, sakol kaang khat ka mu hi. Tua sakol tung tuang mi in Dikna leh Thuman kici hi. Tua mi in dik takin thu a khen thei, gal a do thei hi.

Isaiah 50:10

Topa kihta a, a nasempa’ thu a mangte khempeuh in, khuamial sungah khuavak nei loin na pai hangun, Topa muang un la, Pasian suan’ in nei un.

Johan 20:27

Tua lai takin Thomas kiangah, “Na khutmete zan in la, ka khut en in. Na khut zan in la, ka pang hong lawng in, um khial kei in la, um in,” a ci hi.

Micah 7:9

Amah in ka thu hong sun’sakin, kei adingin thu hong khensak mateng Topa’ hehna ka thuak ding hi; bang hang hiam cih leh ama’ tungah ka mawh khin zo hi. Amah in khuavak ah hong paipih ding a, ama’ hotkhiatna ka mu ding hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Isaiah 50:4

Thugenna tawh a lunggim mite tha a pia thei kammal ka theih nadingin, Topa Pasian in ka gen ding thu hong hilh khin hi. Ama hong hilhnate a ngai dingin zingsang simin hong phong hi.

Mattiu 12:20

Thu a khensak khit matengin A awnsa pumpeeng kuai tan lo a, A khu suaksa meivak khau a sumit kei ding hi.

Late 54:5

Amah in ka galte siatna tawh thuk ding hi; na thumanna tawh amaute sumai in.

Late 94:15

bang hang hiam cih leh thutang pen thumante tungah hong tungkik ding a, lungsim thutang khempeuh in amah zui ding uh hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Isaiah 42:2

Amah kiko loin, awng khia lo a, kongzing lakah zong thu gen zakzak lo ding hi;

Isaiah 2:4

Amah in minamte khat leh khat kikal ah thukhenin, mi tampite’ thu khentat sak ding hi; amaute in a namsaute uh lo khawh na tu, a teipite uh singhiang heuhna temkawi-in seek ding uh hi; Minam khat leh minam khat kido nawn lo ding a, galdo dingin kithawi nawn lo ding uh hi.

Isaiah 63:1

Edom gam, Bozrah khua panin puan ausan silhin a hong pai, a puan silhna-ah minthan’na nei-in, ama thahatna tawh hong paipa kua ahi hiam? A honkhia zo dingin hatna a nei, gualzawhna thu a zasak dingin a hong paipa in Topa ahi keimah ka hi hi.