Isaiah 42:15 - Tedim Bible

¹⁵ Mual liante leh mual neute ka susia ding a, a po kungte khempeuh ka keusak ding hi; gunte pen tuikulh ka suaksak ding a, bualtuite ka kangsak ding hi.

Tedim Bible Revision 2017

¹⁵ Mual liante le mual neute ka susia dinga, a po khempeuh ka keusak ding hi. Gunte pen tuikulh ka suaksak dinga, bualtuite ka kangsak ding hi.

Isaiah 42:15 Referans Kwoze

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Isaiah 44:27

tui thukpi kiangah, ‘Keu in, na gunte ka keusak ding hi’;

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Mangmuhna 16:18

khuaphialepte, awte, vangingte a piang uh hi. Mite in leitungah a om uh-a kipan cikmah huna piang ngei lo a lian a haksa mahmah zinlin’na a piang hi.

Mangmuhna 16:12

Gukna vantungmi in ama tawi hai Eufrates gunpi tungah a buak leh, ni suahna lam pan hong pai uh kumpite ading a baihsa a pian’ nadingin guntui a kang hi.

Mangmuhna 11:13

Tua hun lai takin zin nakpi liingin khuapi seh sawm suah seh khat cimin, mi tulsagih a si uh hi. A om lai mite lau-in liingin, vantung Pasian’ vangliatna a phat uh hi.

Zekhariah 10:11

Amaute in, lungkhamna tuipi a phutkhak uh ciangin, keimah in tuipi hualte ka vatmai ding a, Nail gun tuithukte kangcip ding hi. Assiria mite ka niamkhiat ding a, Izipt in a vangliatna taan ding hi.

Haggai 2:6

A sawt loin vanpi leh leipi, tuipi leh leitung ka lokgawp ding hi.

Ezekiel 38:20

Ngasate leh vasate, ganhing a neu a lian, leh leitunga om mi khempeuh, keimah kihtakna hangin lau-in liing ding uh hi. Mualte pukin, keente cimin, kulh leh phung khempeuh kicim mang ding hi.

Jeremiah 4:24

Mualte ka et leh kiliing damdam uh a, mualneute kileh kawikawi uh hi.

Isaiah 49:11

Keimah in ka mite’ adingin mual liante kantanin lampi ka ziik sak ding a, ka lam lianpite ka phongto ding hi.

Late 18:7

Ama hehna hangin leitung kipumpei in, kiveei a, mual bulpite zong lingin kising damdam hi.

Isaiah 41:15

En un, note pen, a thak, a hiam, ha a nei buhcilna-in kong bawl ding hi; note in mual liante cilin na suvui ding uh a, mual neute pen ansi bangin na gawi zan ding uh hi;

Ezekiel 38:19

Tua ni ciangin ka heh luatna tawh Israel gamah nakpi takin ziin’ liing hen, ka ci ding hi.