Isaiah 42:14 - Tedim Bible

¹⁴ Pasian in hih bangin ci hi: Sau veipi sung ka dai om a, keimah leh keimah kikhamcip-in ka hi hit-hiat hi; tu-in numei nau suak ding bangin ka kiko khia ding a, ka kam ka-in ka tung-nak ding hi.

Tedim Bible Revision 2017

¹⁴ Pasian in hih bangin ci hi: “Sau veipi sung bangmah hih loin ka om a, keimah le keimah kikhamcipin ka om hithiat hi. Tu-in ahihleh numei nausuak ding bangin ka kiko khia dinga, ka kam ka-in ka tung nak ding hi.

Isaiah 42:14 Referans Kwoze

2 PETER NIHNA 3:15

I it i sanggampa Paul in a ngah lungpilna bangin no kiangah gelhin hong piak lai ahi zongin, ama thuhilhna lai khempeuh ah ahi zongin, hih nate tawh kizomin a gelh mah bangin i Topa’ thuakna in gupna thu ahi ci-in na ciamteh un.

Luka 18:7

Pasian’ teelsate in sun leh zanin ama kiangah kiko-in thu a nget uh leh, amaute’ thu khensak ding hilo ahi hiam? Amaute sawtpi thuak ding ahi hiam?

Jeremiah 44:22

Topa in na hoihlohnate uh leh na bawl uh kihhuainate hangin no hong thuak zo nawn lo hi. Tua ahih manin tuni mahmah-in zong na gam uh gamlak suak khin a, mite’ kihaamsiatna suakin kuamah teeng nawn lo hi.

Jeremiah 15:6

Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Late 50:2

Hoih kicin’na, Zion panin, Pasian hong taangkhia hi.

JOB (Job) 32:20

Ka thuak zo nawn kei a, ka dawng ta hi.

JOB (Job) 32:18

Ka thugen ding ka ngak lah a, ka kam ka ki-iip zo kei hi.

Late 50:21

Hihte khempeuh na gamta khin uh a, bangmah ka pau kei hi; kei pen no tawh a kibangin nong ngaihsun uh hi. Ahih hangin tu in note kong tai a, na mawhna uh na mai uh-ah ka koih hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Isaiah 57:11

Nang zuau-in, kei hong phawk loin, kei nong ngaihsut loh nadingin na kihtak hih pasiante bang ahi hiam? Sau veipi sung pau loin ka om hit-hiat manin kei hong zahtak lo na hi hiam?

Isaiah 64:12

Topa aw, hih nate ah nangmah ki-ip cip ding na hi hiam? Nang dai takin om dide-in nakpi takin kote hong gimsak ding na hi hiam?

Isaiah 65:6

En un, amaute daan piak ding ka khentat khin a, amaute’ thuak dingte lai sungah kiciamteh khin hi. Amau’ mawhnate mawk koih in, ka dai om kei ding a, a bit-in ka thukkik ding hi. Amau’ mawhna leh a pu a pate’ mawhnate a phei tungah ka thukkik ding hi; amaute in mual liante tungah paknamtui hal-in mual neute tungah kei hong simmawh uh ahih ciangin amau’ gamtatna tawh kizui-in a bit-in ka thuk ding hi, ci hi.

Jeremiah 4:31

Nau suak ding numei kiko bang khat ka za hi, tacil a suak numei khat’ tauna tawh kibang hi. Zion’ tanu husam liang-a a kikona aw hi a, a khut tegel zakin, “Gimna ka thuak ding hi! Kei hong that ding uh hi!” a ci hi.