Isaiah 42:13 - Tedim Bible

¹³ Mi thahatpa bangin Topa kuankhia a, gal a do mipa bangin ama hanciamna so sak hi; amah kiko-in nakpi takin awng khia a, ama hatna a galte tungah a lak hi.

Tedim Bible Revision 2017

¹³ Mi thahatpa bangin Topa kuan khia a, gal a do mipa bangin ama hehna sosak hi. Amah kiko-in nakpi takin awng khia a, ama hatna a galte tungah a lak hi.

Isaiah 42:13 Referans Kwoze

Late 78:65

Tua ciangin, Topa pen, zu kham-a awng mi thahatpa, a ihmu tho bangin khanglo hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte leh kumpi gamte kaikhawmin, ka hehna ka thuaksak ding, ka lungsim ka khentat khin hi. Ka heh luatna meikuang tawh, leitung khempeuh kangtum ding hi.

Amos 1:2

Amos in, “Zion Mual panin Topa hong hawksuk a, Jerusalem khua panin hong awngkek hi. Tua ahih manin, lonona gam teng keugawp a, Karmel mual dawn dum dide teng kausan ta hi,” a ci hi.

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

Nahum 1:2

Topa Pasian in amah a demte koihkhong lo a, amah a langpangte daantatin, a galte thukkik hi.

Hosea 11:10

Humpinelkai bangin a galte uh ka hawksan gawp ding a, tua ciangin ka mite in kei hong zui ding uh hi. Nitumna lam gam panin kei kiangah hong nawh tai ding uh hi.

Jeremiah 25:30

“Tua ahih manin nangmah in amaute thu na va hilh ding a, hih bangin na va gen ding hi: ‘Topa a sang vantung pan hong hawk ding a, a teen’na siangtho panin hong paukhia ding hi. Ama’ mite’ lang khatah nasia takin hong hawkgawp ding a, leenggah cil mite bangin, leitung mi khempeuhte’ lang khatah hong kiko ding hi.

Isaiah 31:4

Bang hang hiam cih leh Topa in keima tungah hih bangin hong ci a, humpinelkai ahi a, humpinelkai khanglai in ahi zongin a sa nek ding a ngik ciangin, amah do dingin tuucingte honpi khat kisamkhia-in, amaute’ otna hangin lau tuan loin , amaute’ gamlumna hangin a sin a dawilok tuan loh mah bangin, Vanglianpen Topa zong Zion Mual tungah galdo dingin hong kuansuk ding hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Isaiah 66:14

Hih thu hong piang na muh uh ciangin na lungdam ding uh hi; na guhte uh lopano a hing kilkel tawh kibang ding hi. Tua ciangin ka nasemte tungah ka huhna, leh ka galte tungah ka hehna ka lahna thu na thei ding uh hi, ci hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Late 118:16

Topa’ taklam khut kipahtawi a, Topa’ taklam khut in a lian nate hih khin hi!” kici hi.

Joel 3:16

Zion Mual panin Topa hong hawk suk a, Jerusalem panin hong awngkeek a, vanpi leh leipi liing damdam hi. Ahi zongin Topa in, ama mite’ belhpa hi a, Israel mite’ munmuanhuai ahi hi.

Isaiah 37:32

bang hang hiam cih leh a om laite Jerusalem pan ahi zongin, a suakta teng Zion Mual panin ahi zongin paikhia ding uh hi. Vanglianpen Topa’ deihluatna in hih thu hong tungsak ding hi.

Isaiah 63:15

A siangtho, a minthang nangma omna vantung pan a sangna kumpi tokhom panin, hong ensuk in la, hong mu in. Nangma deihna leh nangma vangliatna koi-ah om ta ahi hiam? Na lungduaina leh nong lainatna kote’ adingin kikhaktan ta hi.