Isaiah 42:11 - Tedim Bible

¹¹ Sehnel gam leh a khuapite, Kedar mite’ teen’na khua neute a aw uh sangkhai sak un; Sela gam-a teeng mite lungdamna tawh lasa sak un la, mual dawn panin amaute awng sak un.

Tedim Bible Revision 2017

¹¹ Sehnel gam le a khuapite, Kedar miteʼ teenna khuaneute a aw uh sangkhaisak un. Sela gam a teeng mite lungdamna tawh la sasak unla, mual dawn panin amaute awngsak un.

Isaiah 42:11 Referans Kwoze

Isaiah 32:16

Tua ciangin gamsung mun khempeuh ah thutang om ding a, thu a manin kisem ding hi.

Isaiah 60:7

Kedar gam tuu honte khempeuh nangma kiangah hong kipuak ding a, Nebaioth mite’ tuutalte nangma deihna ah kizang ding hi; keima biakna tau tungah piak dingin tuate hong kipaipih ding a, keimah in a minthang ka inn ka minthangsak semsem ding hi.

Nahum 1:15

En un, mual tungah kamtaipa hong tai a, gualzawhna thupha hong gen ding ahi hi. Judah mite aw, pawi bawl un la, Pasian’ tunga na ciam bangun gamta un. Bang hang hiam cih leh mi gilote kisusiacip khin a, na gam uh hong simkik ngei nawn lo ding uh hi.

Isaiah 52:7

Thu hoih hong puak, kilemna thu a genzaak, thu hoih thupha hong puak, hotkhiatna thu a genzaak, Zion tungah, ‘Na Pasian in uk hi,’ ci-in mualte kantanin thu hong gente’ khe bangzahin hoih ahi hiam?

Isaiah 35:6

tua ciangin khebai mipa pen sakhi bangin diangin lam ding a, a pau thei lo mipa in lungdamin la sa ding hi. Bang hang hiam cih leh gamlakah tui hong phulkhia ding a, sehnel gam sungah lui tui hong luang ding hi;

Isaiah 21:16

Bang hang hiam cih leh Topa in keima tungah, “Thacial kum hunte sung mah bangin kum khat sungin Kedar mite’ minthan’na khempeuh bei ding hi;

Isaiah 16:1

Moab mite in Zion Tanu’ mual, gam ukpa tungah Sehnel gam Sela khua panin siah dingin tuunote puak uh hi.

Late 120:5

Note lakah ka om khak pen, Meshek gam sunga teen’ khak sangin haksa zaw a, Kedar mite’ lak-a teen’ khak sangin siahuai zaw hi.

Piancilna 25:23

Topa in ama kiangah, “Na gil sungah minam nih om hi, Nang’ sung pan a suak mihing nihte kikhen ding hi; khat in a dang khat sangin hatzaw ding hi, a u-zaw in a nauzaw’na sem ding hi,” ci hi.

Jeremiah 49:16

Na kihtakhuaina leh na kisaktheihna in nang hong khem zo hi. Suangken lakah na teeng a, mualsang tungah na teeng hi. Muvanlai bu zahin sangpi-in na teen’ hangin tua lai mun panin kong lakhia suk veve ding hi, Topa in kong ci hi.

Jeremiah 48:28

“Moab gam a, teeng mite aw, khuapite nusia un la, kawl lakah teeng un! Ken pang-a vakhu bu bawl bangin va om un.

Jeremiah 21:13

“Mualkuam zang pan kilam to a, zanglei laka suangtum banga sang to Jerusalem aw, Topa in kong cih-inah, nang’ lang khatah ka pang hi. Nangmah in, ‘Kua in kei hong simsuk ding a, i omna-ah kua hong lut ding hiam?’ na ci hi.

Isaiah 43:19

En un, a thak na khat ka bawl hi; tu-in hong piang khia hi, note in thei lo na hi uh hiam? Gam lakah lam lianpi khat ka bawl ding a, sehnel gam sungah gunte ka bawl ding hi.

Isaiah 35:1

Gamlak leh lei keuna gam lungdam ding a, sehnel gam lungdamin palhkhia ding hi; unok pak bangin

Obadiah 1:3

Na lungsim kiphatsakna un note a hong khem zo hi. Note in suang kulhpi beelin, mual dawnah na teen manun, “kua in a hong kiasak zo ding hiam?” ci-in na ngaihsun uh hi.

Isaiah 40:3

Awging khat in: “Gam lakah Topa’ lampi sial un la, sehnel gam sungah i Pasian’ ading lam lianpi khat a tangin bawl un.

Isaiah 12:5

“Amah in minthang takin sem khin ahih manin Topa’ tungah phatna la sa un; leitung khempeuh ah hih thu kitheisak un.

Jeremiah 49:31

“Babilon kumpipa aw, tho in. Nuamtak, ngaihmuang taka a om gam va sim in. Tua khuapite in kongpi lah nei loin a kalhna siktawn lah neilo uh a, a tuaci om mawk uh hi.

Ezekiel 27:21

Arabia mite leh Kedar gam ukte in tuuno, tuutal leh keeltal tawh na van hong lei uh hi.