Isaiah 41:5 - Tedim Bible

⁵ Tuikulh gamte in mu khinin lau uh a, leimongte liing uh hi; amaute in hong nai-in hong pai uh hi.

Tedim Bible Revision 2017

⁵ Tuipi gei-a om gamte in mu khinin a lau uh hi. Leimong dongin mite lau-in liing uh a, amaute in hong nai-in hong pai uh hi.

Isaiah 41:5 Referans Kwoze

Late 67:7

Pasian in eite thupha hong pia khin hi; leimong dong khempeuhte in amah zahtak uh hen.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

Late 65:8

lei mong pek-a omte in na hihsa limte a kihtak nadingun kihtakhuai gamtatna zangin, hotkhiatna tawh kote’ ngetna nong pia hi; nisuahna leh nitumna kikal-a om mite khempeuh lungdam-a awng dingin na bawl hi.

Joshua 5:1

Nitumna lam Jordan gal khat-a om Amor mite’ kumpite khempeuh leh tuipi gei-a om Kanaan mite’ kumpite khempeuh in, Israel mite in a kantan khit mateng amaute adingin Jordan tuite Topa in a kan’sakna thu a zak uh ciangin lungmang uh a, Israel mite hangin a lungsim uh a bei hi.

Joshua 2:10

Bang hang hiam cih leh Izipt panin nong paikhiat lai-un Topa in note mai-ah San Tuipi tui a kan’sakna, leh Jordan gal khata om na suksiat mang uh Amor mite’ kumpi nihte ahi Sihon leh Og tungah na bawlna uh ka za khin uh hi.

Paikhiatna 15:14

Mite in za khin uh a, amaute liing uh hi; Filistia-ah a teng mite gimna in mancip hi.

Piancilna 10:5

Hihte pen tuipi gei-a teeng mite’ pu leh pa ahi uh hi. Amaute’ leitang-ah amau’ kampau ciat zangin, a beh, a minamin om uh hi.

Isaiah 41:1

Tuikulh gamte aw, gamdai takin ka thu ngai un; na mite a tha uh dimsak un la, amaute a mai-ah hong paisak un. Amaute thugen theihna ding hun ngah ding uh hi. Thukhen zumah kei tawh kisi nung.

Isaiah 41:6

Mi khempeuh in a vengte ciat huh a, a sanggamte ciat kiangah, “Tha hat un,” ci hi.

Ezekiel 26:18

Tu-in hih khuapi kia ta a, tuikulh khempeuh lau in liing uh hi. Tua bang siatna hangin, tuikulh-a a teeng mite in lau-in lamdang sa uh hi.

Late 65:9

Nangmah in leitung en-in guah na zusak a, a hoihna lianpi-in na behlap hi; Pasian’ gunpi in tui tawh kidim hi; nangmah in amaute khaici na guan hi, tua ahih ciangin nangmah in na bawl khol hi.