Isaiah 41:4 - Tedim Bible

⁴ A kipat cil-a kipan a khang khang-a mite a sam, hih nasep semin a bawl kua ahi hiam? A masa leh a nunung, Topa ahi keimah ka hi hi; kei in Amah ka hi hi.

Tedim Bible Revision 2017

⁴ A kipat cil a kipanin a khangkhangin mite a sam, hih nasep semin a bawl kua ahi hiam? Keimah Topa in, a masa le a nunung ka hi a, kei pen Topa ka hi hi.

Isaiah 41:4 Referans Kwoze

Mangmuhna 22:13

Keimah in Alfa leh Omega, a masa bel, a nunung bel, a kipatna leh a tawpna ka hi hi.

Isaiah 48:12

“Jakob leh keima hong sap Israelte aw, ka thu ngai un! Kei in amah ka hi a, keimah in a masa hi-in, keimah in a nunung zong ka hi hi.

Mangmuhna 1:17

Tua mi ka muh ciangin kei in a khe kiangah mi si bangin ka puk hi. Tua lai takin amah in a khut taklam ka tungah nga-in, “Lau kei in Keimah in a masa bel leh a nunung bel mi ka hi hi.

Isaiah 41:26

Eite in i theih nadingin a kipat cil-a kipan kua in hong genkhia a, “Amah man hi,” i cih theih nadingin a hun ma-in kua in gen ahi hiam? Kuamah in gen khia lo, kuamah in pulak lo a, kuamah in no’ thu za lo hi.

Isaiah 46:10

A kipat cilin a tawp nading thu ka pulak a, tanglai pek panin a piang nai lo nate genin, ‘Ka ngimna kip ding a, ka sepnop khempeuh ka sem ding hi,’ ka ci hi.

Isaiah 43:10

“Note in keima tecite na hi uh hi,” Topa in ci a, “Kei pen Amah ka hihna thu, nangmah in thei-in keimah nong up nading leh na theihtel theih nadingin kong teelsa ka nasempa na hi hi. Kei’ ma-in pasian om lo a, kei’ khit ah zong kuamah om lo ding hi.

Sawltak 17:26

Amah in leitung mi khempeuh minam khat bek pan bawl a amaute nuntak nading hun ahi zongin, amau omna atuam atuam ahi zongin a ciamteh zo hi.

Mangmuhna 1:8

“Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Isaiah 42:24

Kua in a sut gawppa tungah Jakob pia a, a luh gawpte’ tungah Israel pia ahi hiam? Topa mahmah in a piak hilo ahi hiam? Ama tungah eite i khial hi. Ama’ hong deih bangin i zui kei a, ama hong thuhilhnate i mang kei hi.

Mangmuhna 2:8

“Smurna khua-ah a om pawlpi’ vantungmi kiangah hih bangin gelh in. ‘A masa bel leh a nunung bel ahi tham loin, nidang lai-inah sihna a thuak zo, tu-in a nungta mi’ thupiakna in:

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Isaiah 40:12

Kua in ama khut kuak sungah tuite tehin, ama khaap tawh vantungte teh a,lawh sung khatah leitung leivui khempeuh guang-in, pongkhaina tawh mual liante khai a, tawi tehna tawh mual neute teh ahi hiam?

Sawltak 15:18

ci-in a cil pan hih thu hong theisak Pasian in a gen hi,’ ci-in kigelh hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Isaiah 40:26

A sangna vantung lam ento un la, mu un: kua in hihte piangsak ahi hiam? Amau’ aksi honpite khat khatin piangsakin, a lian ama thahatna tawh amaute khempeuh a min un a sampa ahi hi; vangliatna-ah thahat ahih manin khat beek pelem lo hi.

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

Late 102:27

ahih hangin nang na kibang ngitnget a, na nuntak kumte in mong nei lo hi.

Isaiah 41:3

Ama khe in a tot ngei loh lampite zui-in amah in amaute delh a, nuam takin pai suak hi.

Isaiah 43:13

“Kei in Amah ka hi a, a kipat cil-a kipanin zong kei in Amah ka hi hi; keima khut sung panin a lakhia zo kuamah om lo hi; keimah in na ka sem a, kua in hong nokkhak zo ding ahi hiam?

Late 102:28

Na nasemte’ tate, lungmuangin om ding uh a, amau suan-le-khakte nangma mai-ah kip ding uh hi.

Isaiah 41:20

Topa’ khut in hih nate bawl hi, Israelte’ Siangtho Pa in hih nate piangsak hi, ci-in mite in mu-in a theih nading, ngaihsunin a thu a teltheih nading uh ahi hi.