Isaiah 41:13 - Tedim Bible

¹³ Bang hang hiam cih leh keimah Topa na Pasian in na khut taklam ka len hi; Lau kei in, nangmah kong huh ding hi,” nang tunga hong cipa in keimah ka hi hi.

Tedim Bible Revision 2017

¹³ Bang hang hiam cih leh keimah Topa na Pasian in na khut taklam ka len hi. “Lau kei in, nangmah kong huh ding hi,” nang tungah a hong ci pa keimah ka hi hi.

Isaiah 41:13 Referans Kwoze

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Late 73:23

Ahih hangin nangmah tawh ka omkhawm ngitnget a, ka khut taklam-in nong len hi.

Late 63:8

Nangmah ka hong bel hi; nangma taklam khut in kei hong len hi.

Late 109:31

Bang hang hiam cih leh sihna daan a piapa’ khutsung panin a hon dingin mi cimawhpa’ taklam-ah amah hong ding hi.

Isaiah 42:6

“Keimah in Topa ka hi a, thumanna tawh nangmah hong samin, ka khut tawh nang hong lenin kong kem hi; mittawte a vaksak ding, leinuai thong sung panin thongkiate a lakhia ding, thong sung a mialna mun a, a tu mite a lakhia dingin, mite tungah thuciamna ahi ding, Gentailte tungah khuavak ahi dingin nang kong koih khin hi.

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

Isaiah 45:1

Kulh kongpite a kikhak loh nadingin ama mai-ah kongkhakte a honsak ding, kumpite’ vangliatnate a lakkhiat sak ding, ama mai-ah minamte a zawh sak dingin, a taklam khut a len, a sathau nilhpa Sairas tungah Topa in hih bangin ci hi:

Isaiah 43:6

Keimah in leilu lam kiangah, Pia khia un, leitaw lam kiangah, Len nawn kei un; keima pian’sak ka bawlsa, keima minthan’ nading a, ka bawl, keima min tawh a kilote khempeuh ahi, ka tapate gamlapi panin, ka tanute leimong panin hong paipih un, ka ci ding hi.”

Isaiah 51:18

Na tate khempeuh sung panin nang a hong makaih ding om lo a, na khoisa tapate khempeuh lak panin na khut a hong len ding om lo hi.

Paikhiatna 14:13

Moses in mite' tungah, “Kihta kei un, kip takin ding un, amah in note adingin tu ni-a hong sep ding Topa’ hotkhiatna mu un; bang hang hiam cih leh tu ni-a na muh uh Izipt mite, note in na mukik nawn kei ding uh hi.

Paikhiatna 20:20

Moses in mite' kiangah, “Lau kei un; bang hang hiam cih leh note na khialh khak loh nadingun note in amah na kihtak theih nadingun note a entel dingin Pasian hong pai ahi hi,” a ci hi.

Jeremiah 30:10

“Tua ahih manin Topa in kong cih-inah; Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte-uh’ saltan’na panin kong honkhia ding hi. Jakob’ suante hong ciahkik ding uh a, nuam takin a teeng kik ding uh hi. Kuamah in amaute a lausak nawn kei ding hi.

Jeremiah 46:27

“Ahih hangin lau kei un, ka nasempa Jakob’ suante aw; patau kei un, Israel mite aw, Bang hang hiam cih leh gamlapi panin no kong honkhia ding a, na suan na khakte uh saltan’na gam panin kong honkhia ding hi. Jakob’ suante hong ciahkik ding uh a, nuam takin a teeng ding uh hi. Kuamah in amaute a lausak nawn kei ding hi.

Haggai 2:5

Izipt gam panin na paikhiat lai un, note kong ompih tawntung nading thu kong ciam hi. Tu-in zong ka lungsim in note hong ompih lai ahih manin lau kei un.

Late 118:7

Kei hong huh dingin kei lamah Topa om hi; kei hong mudahte pen gualzawhna tawh ka en ding hi.