Isaiah 41:12 - Tedim Bible

¹² Nangmah hong langpangte na zon’ hangin amaute na mu nawn kei ding hi; nangmah hong dote pen bangmah hi het lo ding uh hi.

Tedim Bible Revision 2017

¹² Nangmah hong langpangte na zon hangin amaute na mu nawn kei ding hi. Nangmah hong dote pen bangmah hi het lo ding uh hi.

Isaiah 41:12 Referans Kwoze

Isaiah 17:14

En un, nitakin hong lausak vat a, zingsang ma-in amaute bei ta! Hih bang thute pen, eite hong susia-in eite hong luh gawpte’ thuak ding ahi hi.

Isaiah 34:12

Kumpi Gam Om Lo, ci-in amaute in min phuak ding uh a, a ulian khempeuhte a mawkna hi ding uh hi.

Isaiah 29:8

A gilkial mipa in a mangin an ne a, a khan’ lawh ciangin a gil a vah tuan lo, a dangtak mipa in a mangin tui dawn a, a dangtak pha tuan loin a gim mahin a khan’ lawh mah bangin, Jerusalem a do minam honpite khempeuh zong tua ci ding uh hi.

Isaiah 49:25

Topa in: “A galhangpa’ mat salte kilakhia ding a, thu khauhpa’ na kilakhia ding hi; nang hong dem mite ke’n ka dem ding a, na tate ka honkhia ding hi.

Zefaniah 3:19

En un, tua hun ciangin no hong bawlsiate, daan ka pia ding a, a khebaite honkhia-in, a kipaikhiatpih mite ka ciahpih ding hi. Amau’ maizumna, minthan’na ka suaksak ding a, mi khempeuh in amaute phat ding uh hi.