Isaiah 41:11 - Tedim Bible

¹¹ En in, nangma tunga a heh mite khempeuh maizumna kithuaksakin kikoih khong ding hi; nangmah hong dem mite pen a mawkna suakin siatna thuak ding uh hi.

Tedim Bible Revision 2017

¹¹ Nangma tungah a heh mite khempeuh maizumna kithuaksakin kikoih khong ding hi. Nangmah hong dem mite a mawkna suakin siatna thuak ding uh hi.

Isaiah 41:11 Referans Kwoze

Paikhiatna 23:22

“Ahih hangin note in ama' aw lim takin ngai-in keima' gen bangin na gamtat uh leh na galte uh’ tungah gal ka hi ding a, na langte uh’ tungah lang ka hi ding hi.

Isaiah 45:24

“Topa’ hang bekin dikna leh thahatna kingah hi, hong kici ding hi; kei hong mudahte khempeuh mindai-in maizum ding uh hi.

Mangmuhna 3:9

En in, ‘Judah mipawl khat ka hi uh,’ a ci zuau thu a gen mipawl ahi, Satan pawlte ahi mite kong pia a, amau in nang khe kiangah bia-in, nang kong it, ci-in amaute ka theisak ding hi.

Sawltak 16:39

amaute mah hong pai uh a, thuumin a lakkhiat khit uh ciangin khua sung pan a paikhiat nading a ngen uh hi.

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Paikhiatna 11:8

Hih nangma'nasemte khempeuh keima' kiangah hong paisukin, keima' kiangah hong kunsuk ding uh a, ‘Nang leh nangmah hong zui mi khempeuh paikhia un,’ hong ci ding uh hi. Tua khit ciangin kei ka paikhia ding hi,” a ci hi. Faro' kiang panin amah heh mahmahin paikhia hi.

Zekhariah 12:3

Tua hun hong tun’ ciangin suangtumpi gik mahmah bangin Jerusalem khuapi ka bawl ding a, liik khiat a sawm minam khatpeuh peuh in liamlawh ding hi. Leitung minam dang khempeuh kipawlin Jerusalem sim ding uh hi.

Isaiah 49:26

Nang hong nengniam mite pen amau’ satak mah ka ne sak ding a, zukham bangin amau’ si mah kham ding uh hi. Tua ciangin, kei pen, Jakob’ Vanglian Pa, nang hong Tankhiapa, nang hong Honpa Topa ka hihna mi khempeuh in thei ding hi,” a ci hi.

Isaiah 41:29

En un, amaute khempeuh zuaupi vive ahi hi; amau’ nasepnate a mawkna ahi hi; a kisung amau’ milimte pen huih hawmpi ahi uh hi.

Isaiah 29:8

A gilkial mipa in a mangin an ne a, a khan’ lawh ciangin a gil a vah tuan lo, a dangtak mipa in a mangin tui dawn a, a dangtak pha tuan loin a gim mahin a khan’ lawh mah bangin, Jerusalem a do minam honpite khempeuh zong tua ci ding uh hi.

Isaiah 41:24

En un, note, bangmah na hi kei uh a, na nasepnate uh a mawkna ahi hi; note hong teelpa in a etsathuai ahi hi.

Isaiah 40:17

Minam khempeuhte ama mai-ah bangmah tham hi lo a, amaute pen bangmah a om lo leh, a hawm guak sangin a tawmzaw-in amah in ngaihsun hi.

Isaiah 17:13

Tui lianpi a ging bangin minamte awng uh hi, ahih hangin amah in amaute tai ding a, gamlapi-ah amaute taikhia ding uh hi; mual tunga huih mai-ah ansi leeng bang leh huihpi mai-a pingpei bangin amaute lengkhia mang ding uh hi.

Isaiah 29:5

Ahih hangin nangma gal honpite leivui neel leeng bang ding uh a, thukhual lo mi honpite ansi leeng bang ding uh hi. Tua ciangin tomkha sungin thakhat thu-in,

Isaiah 29:7

Tua ciangin Pasian’ biakna tau a do minam honpite khempeuh, tua khuapi leh a kulhpi simin a lungkham sakte khempeuh, zan-a mangmat tawh kibangin maimang ding uh hi.

Isaiah 34:12

Kumpi Gam Om Lo, ci-in amaute in min phuak ding uh a, a ulian khempeuhte a mawkna hi ding uh hi.

Isaiah 40:2

Dam takin Jerusalem hopih un. Ama gimna hun bei ta a, ama mawhna kimaisakin, ama khialhnate khempeuh hangin Topa in a zah nih in daantat khin zo hi, ci-in ama tungah gen un.

Isaiah 54:15

Mi khatpeuh in kidona a pian’sak leh, tua pen keima kiang pan hilo hi; note tawh kidona a piangsak peuhmah note’ hangin puk ding hi.

Jeremiah 2:3

Israel mite Topa’ ading-a a tuam om hi a, ama’ an lakna-ah an palte ahi uh hi. Amaute a ne peuhpeuh a mawh suak uh a, gimna a thuak uh hi, Topa in hong ci hi, ci-in va gen in,” hong ci hi.

Paikhiatna 12:29

Ama' kumpi tokhom tunga a tu Faro’ tacil-a kipanin thongmial sunga a om a kiman mite’ tacil leh ganhing tacil khempeuh, Izipt gam sunga a om tacil khempeuh, zankim lai takin Topa in vat gawp hi.

Isaiah 49:25

Topa in: “A galhangpa’ mat salte kilakhia ding a, thu khauhpa’ na kilakhia ding hi; nang hong dem mite ke’n ka dem ding a, na tate ka honkhia ding hi.

Jeremiah 12:17

Ahih hangin gam khatpeuh peuh in ka thu hong ngaih kei leh tua gam ka botkhia ding a, ka susia ding hi, Topa in kong ci hi.”