Isaiah 40:6 - Tedim Bible

⁶ Awging khat in, “Kiko in!” hong ci hi. Tua ciangin keimah in, “Bang thu kiko ding ka hi hiam?” ka ci hi. Mi khempeuh in lopa bang hi a, ama hoihnate khempeuh pen gamlak-a paak tawh kibang hi.

Tedim Bible Revision 2017

⁶ Awging khat in, “Kiko in!” hong ci hi. Tua ciangin keimah in, “Bang thu kiko ding ka hi hiam?” ka ci hi. “Mi khempeuh, lopa bang hi a, ama hoihnate khempeuh gamlak ah a om pak tawh kibang lel hi.

Isaiah 40:6 Referans Kwoze

Late 102:11

Keima nuntakna in nitak lam-a liim om tawh kibang a, lopa bangin kei ka vulgawp hi.

JOB (Job) 14:2

Amaute pakpalh bangin khangin keu pak uh a, niliim bangin pai hanhanin mangthang uh hi.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Jeremiah 31:6

Bang hang hiam cih leh Efraim mualtung panin gal vilte in, ‘Tho un! Zion khua-ah, Topa, i Pasian kiangah va pai ni,’ ci-a hong kiko hun uh hong tung ding hi,” a ci hi.

Jeremiah 2:2

“Pai in la, Jerusalem khua’ zak dingin va tangko in: Topa in hong cih-inah, Na khangno lai-a nong kipiakna, na mothak lai-a nong itna, a kikho nai lo gamlak-a kei’ nung nong zuih hun lai ka phawk hi.

Isaiah 40:3

Awging khat in: “Gam lakah Topa’ lampi sial un la, sehnel gam sungah i Pasian’ ading lam lianpi khat a tangin bawl un.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Hosea 5:8

Galdo nading zaksakna-in Gibeah khua-ah tuutal’ ki tum un la, Ramah khua-ah peengkul tum un. Beth-aven khua-ah pataukohna gingsak un. Benjamin mite aw, kithawi un!

Isaiah 51:12

“Kei, keimah in note hong hehnempa ka hi hi; lopa bang ahi, a si thei mi, mihing tate lellelte bang hangin kihta na hi uh hiam?

Zekhariah 1:14

Vanglianpen Topa in ama tungah a gensa thute keimah in ka taangko sawn nadingin tua vantungmi in kei hong sawl a, “Ka khuapi siangtho Jerusalem, nakpi takin itin ka lunghimawh hi.