Isaiah 40:5 - Tedim Bible

⁵ Topa’ kam in gen khin ahih manin, Topa’ minthan’na hong kilang ding a, mi khempeuh in mu khawm ding uh hi,” a ci hi.

Tedim Bible Revision 2017

⁵ Topa’ kam in gen khin ahih manin, Topa’ minthanna vang hong kilang dinga, mi khempeuh in mu khawm ding uh hi,” a ci hi.

Isaiah 40:5 Referans Kwoze

Habakkuk 2:14

Tuipi in tui tawh a kidim mah bangin, leitung in Topa’ minthan’na theihna tawh kidim ding hi.

Joel 2:28

“Tua khit ciangin mi khempeuh tungah ka Kha ka bua ding a, na tanute uh leh na tapate un kamsang ding uh a, na puteekte un mang manin, na tangvalte un maang mu ding uh hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Luka 3:6

Mi khempeuh in Pasian’ gupna thu a thei ding uh hi,” ci-in a gelh hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

Isaiah 60:1

Jerusalem khuapi aw, tho in la, sun nitaang bang in! Topa minthan’na in nangma tung hong taan’ zo hi.

Isaiah 11:9

Ka mual siangtho buppi tungah amaute khat leh khat kiliamsak lo ding uh a, kisusia lo ding uh hi; bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Isaiah 58:14

Keimah biakna hangin lungdamna na ngah ding uh a, leitang a sanna munte ah kong tungsak ding hi. Na pu uh Jakob tungah ka piak leitang luahin nuam na sa ding uh hi. Topa ahi keimah in hih thu ka gen khin hi,” a ci hi.

Isaiah 6:3

Amaute khat leh khat kisamin: “Vanglianpen Topa, siangtho, siangtho, siangtho hi; leitung khempeuh ama minthan’na tawh kidim hi,” ci-in awng uh hi.

Late 72:19

A minthang ama min in thupha ngah tawntung hen la, ama minthan’na in leitung khempeuh dim ta hen! Amen, Amen.

Mangmuhna 21:23

Ni tan’na, kha tan’na zong tua khuapi-ah a kisam kei hi. Bang hang hiam na cih uh leh, Pasian’ vang in tua khuapi a tangsak a, Tuuno in zong tua khuapi’ meivak ahi hi.

Sawltak 2:17

‘A nunung nite ciangin Mi khempeuh tungah ka Kha ka bua ding hi. Na tapate na tanute un thu hilhkhol ding uh hi. Na tangvalte un mang a mu ding uh a, Na puteekte un mang a man’ ding uh hi.

Isaiah 66:23

Khadet khat pan khadet khat, sabbath khat pan sabbath khat, kunsukin keimah a bia dingin Jerusalem ah mi khempeuh hong pai ding uh hi, Topa in ci hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

Johan 12:41

Isaiah in Zeisu’ minthan’na mu khol ahih ciangin tua bangin ama thu a genkhol hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Isaiah 1:20

Ahih hangin note in kei hong nialin nong lehdo uh leh namsau in note hong vatmai ding hi; bang hang hiam cih leh Topa in hih thu gen khin zo hi.”

Johan 17:2

Nang in Ta’ khut sungah na piaksate khempeuh, nuntak tawntungna a piak nadingin mi pawl khempeuh uk nading thu Ta na pia hi.

Micah 4:4

A kuamah peuh lungnuamin, a leenggui phung leh a theikung nuai-ah ta hithiat ding a, kuamah in patausak nawn lo ding hi. Bang hang hiam cih leh Topa’ kam mahmah in hih thu gen khin ta hi.

Jeremiah 9:12

Hih thu a tel thei ding mipil kua ahi hiam? Hih thu a genkhia dingin Topa in kua hopih na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Isaiah 35:2

tampi takin palhkhia ding a, lung nopna leh lasakna tawh lungdam ding hi. Lebanon mual a minthan’na, Karmel mual leh Sharon mual, a min liatna ama tungah kipia ding hi. Amaute in Topa’ minthan’na, i Pasian’ liatna mu ding uh hi.

Late 102:16

Bang hang hiam cih leh Topa in Zion khua lam ding a, ama minthan’na hong kilang ding hi;

Late 96:6

Pahtawina leh liatnate ama mai-ah om a, hatna leh hoihnate ama omna mun siangtho-ah a om hi.

Luka 2:32

Ka mitin ka mu zo hi,” a ci hi.

Jeremiah 32:27

“En in, Keimah in Topa ka hi a, mi khempeuhte’ Pasian ka hi hi. Kei adingin a haksa lua bang om ahi hiam?

Isaiah 66:16

Bang hang hiam cih leh Topa in mei tawh thukhenna sem ding a, a mawh mi khempeuh tungah a namsau tawh thukhen ding hi; Topa in a thah mite tam mahmah ding hi.

Paikhiatna 16:7

Topa’ tunga na phunna uh amah in za khin ahih manin zingsang ciangin Topa’ minthan’na na mu ding uh hi. Bang hang hiam cih leh kote’ tungah na phun theih nadingun kote in a bang hi mawk ka hi uh hiam?” a ci uh hi.

Late 97:6

Vantungte in ama thumanna genkhia a, mi khempeuhte in ama minthan’na en uh hi.

Isaiah 34:16

Topa’ laizial sung panin zong un la sim un: Hih ganhingte khempeuh khat beek zong mangthang lo ding a, lawmsam khat zong om lo ding hi. Bang hang hiam cih leh Topa’ kam in thu pia khin zo a, amahmah in amaute kaikhawm ding hi.

Isaiah 40:4

Kuamthuk khempeuh kisangtosak ding a, mual liante leh mual neute kiniamsak ding hi; a tamkimlo munte kitamkim sak ding a, suanghum omna munte kizalhtam ding hi.

Isaiah 41:20

Topa’ khut in hih nate bawl hi, Israelte’ Siangtho Pa in hih nate piangsak hi, ci-in mite in mu-in a theih nading, ngaihsunin a thu a teltheih nading uh ahi hi.

1 KUMPI MASATE 14:11

Tua ahih ciangin Jeroboam’ mi ahi khuapi sunga a si mi peuhpeuh uite in ne ding hi; gamlakah a si mi peuhpeuh huihlak vasate in ne ding hi; bang hang hiam cih leh Topa in gen khin hi,” ci hi,’ ci-in gen in.

Late 102:17

amah in, mi cimawhte’ thungetna kin-in, amau’ thuumna simmawh lo ding hi.

Isaiah 26:15

Ahih hangin nangmah in ko minam nong khangsak hi, Topa aw, nangmah in minam na khangsak a, gamgi khempeuh na keeksak khin hi. Hih thu hangin nangma min a thang hi.

Isaiah 66:18

Bang hang hiam cih leh amau nasepnate leh amau ngaihsutnate ka thei a, minam khempeuh a khawm dingin ka hong pai hi; amaute hong pai-in ka minthan’na mu ding uh hi.