Isaiah 40:21 - Tedim Bible

²¹ Note in thei nai lo na hi uh hiam? Note in za nai lo na hi uh hiam? A kipat cilin note tungah hong kigen khin hilo ahi hiam? Leitung a pian’ akipan thei khinta hilo na hi uh hiam?

Tedim Bible Revision 2017

²¹ Note in thei nai lo a, za nai lo na hi uh hiam? A kipat cil-in note tungah hong kigen khin hi lo ahi hiam? Leitung a pian a kipan thei khinta hi lo na hi uh hiam?

Isaiah 40:21 Referans Kwoze

Sawltak 14:17

Ahih hangin tecipan’na om loin amahmah a kinusia kei hi; amah in ama gitna hong lakin, vantung pan guahtui leh amau hun ciat a, a gah an hong pia hi; amah in an tampi hong pia-in na lungtang uh lungnopna tawh hong dimsak hi,” a ci hi.

Isaiah 48:13

Ka khut in leitung bulpi koih a, ka khut taklam in vantungte zal hi; amaute ka sap ciangin amaute omkhawm pah uh hi.

Isaiah 46:8

“Thu a palsat mite aw, hih thu phawkin ngaihsun un la, lungngai pha un.

Late 50:6

Vantung in ama thumanna gen hi, bang hang hiam cih leh Pasian mahmah thukhenpa ahi hi.

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

Late 115:8

Amaute a bawlte leh amaute a muangte khempeuh pen amaute mah tawh kibang uh hi.

Isaiah 51:13

Vantungte zal-in, lei bulpite a koih note a hong bawl Topa hong mangngilh khin ta na hi uh hiam? Note hong susia dingin a kithawi, no a hong nengniamte’ hehna, bang hangin kihta-in om tawntung na hi uh hiam? Amaute’ hehna in note hong sukha zo het lo ding hi.

Isaiah 44:20

Amah pen vut a nete tawh kibang lel hi; khemna lungsim haina in amah lam pialpih khin a, amah leh amah kihonkhia thei loin, “Ka khut sungah ka tawi milim pen a haihuai hilo ahi hiam?” cih zong phawk thei lo hi.

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Piancilna 1:1

A kipat cil-in Pasian in vantung leh leitung a piangsak hi.

Isaiah 37:26

‘Sawt pek-a kipan ka sehsa hi a, ka geelsa ahih lamtak za lo na hi hiam? Nang in khuapi muanhuaite siasakin suang kiciang bang na suahsak nading, a sunga teeng mite a thahatna uh bei-in, lungkia-in a om mawk nading leh amaute pen, lo lai-a kungnote leh lopa ngeekte, innkhum zang a, a po, a khan’khit ma-a a keutum lopate tawh a kibat nading, tu huna ka tun’sak thute pen tang lai pek pan-a ka ngaihsutna ahi hi.

Isaiah 40:28

Thei nai lo na hi hiam? Za nai lo na hi hiam? Topa pen tawntung Pasian hi a, leitung mong khempeuh a Piangsakpa ahi hi. Amah gim lo a, zong tawl lo hi; ama thu theihtelna kigen zo lo hi.

JOB (Job) 26:7

Pasian in mun awng tungah vanpi zal a, bangmah in len lopi-in leitung khai lingleng hi.