Isaiah 40:12 - Tedim Bible

¹² Kua in ama khut kuak sungah tuite tehin, ama khaap tawh vantungte teh a,lawh sung khatah leitung leivui khempeuh guang-in, pongkhaina tawh mual liante khai a, tawi tehna tawh mual neute teh ahi hiam?

Tedim Bible Revision 2017

¹² Kua in ama khutkuak sungah tuite tehin, ama khap tawh vantung teh a, leitung leivui khempeuh lawh khat sungah guangin, pongkhaina tawh mual liante khai a, tawitehna tawh mual neute teh ahi hiam?

Isaiah 40:12 Referans Kwoze

Paunak 30:4

Vantungah kua kah to a, leitungah hong kumsuk kik ahi hiam? Kua in a khut sungah huihte lomcip a, puanin tuite tuncip ahi hiam? Kua in leitung bulpite phut kip ahi hiam? Tua bang mi na theih ngei leh, a tapa’ min bang ahi hiam?

Isaiah 48:13

Ka khut in leitung bulpi koih a, ka khut taklam in vantungte zal hi; amaute ka sap ciangin amaute omkhawm pah uh hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

JOB (Job) 28:25

Pasian in huih a gik nading zah bawlin, tuipi liat nading zah a seh laitak,

Jeremiah 31:37

Topa in hong gen-inah, “Vantung a kiteh theih ciang leh leinuai-a leitung bulte a kivel theih ciang bek-in Israelmite’ suan leh khakte khempeuh a mawhna uh hangin ka lawnkhia mang pan ding hi, Topa in kong ci hi,”

Amos 4:13

Bang hang hiam cih leh mualte bawlin, huihte a piangsakpa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpa’ min in Topa, mihonpite’ Pasian ahi hi.