Isaiah 4:6 - Tedim Bible

⁶ Tua pen, sun ciangin nisa liah ding leh huihpi guahpi panin bukna leh belhna hi ding hi.

Tedim Bible Revision 2017

⁶ Tua minthanna vang pen sun ciangin nisa a liah ding le huihpi guahpi panin bukna le belhna zong hi ding hi.

Isaiah 4:6 Referans Kwoze

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

Late 27:5

Bang hang hiam cih leh haksat hun ciangin a buk sungah kei hong seel ding hi; a puanbuk khuhna nuai-ah kei hong seel ding-a, a san’na suang tungah hong koih ding hi.

Isaiah 32:2

Amaute pen, huihpi panin belhna, guahpi panin bukna bang ding uh a, sehnel gam sunga tui luang bangin, nisa gam sunga om suangpi liim bang ding uh hi.

Isaiah 8:14

Amah pen, bukna hi ding a, a siangtho’ luatna hangin mite’ kitukna leh puk theihna suangtum tawh kibang hi. Judah leh Israel kumpigam mite leh Jerusalem khua-a teeng mite a awk nading thangzak tawh kibang ding hi.

Paunak 18:10

Topa’ min in tausang muanhuai tawh kibang a, thuman mite in beelin lungmuangin om thei uh hi.

Mangmuhna 7:16

Amaute in a nung ciangin bangmah hunin gilkial dangtak nawn lo ding uh hi. Cikmah hun ciangin zong ni sa-a kipan a sa khempeuh tawh a kisu kha nawn kei ding uh hi.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.

Hebru 6:18

Bang hang hiam na cih uh leh, Pasian in zuauthu a zang zo lo thu nih hangin eite mai-ah hong kikoih lametna len a, a beel dinga tai eite in hansuahna khauh i ngah nading ahi hi.

Late 91:1

Sang Penpa’ liahna sungah a om mi, Vanglianpa’ liim sungah a om mi in,

Ezekiel 11:16

Tua ahih ciangin na salpihte kiangah hih bangin keima thugente va gen sawn in: A gamlapi gamah a teeng dingin puak khia-in, gam dangah a thehthangpa in keimah ka hi hi. Ahi zongin amaute’ omna gam dangah tawl khat sung bek kei a hong bia dingin ka om sak ahi hi.

Late 55:8

Gensiatna huihpi leh huih husiate panin bukna ka zongpak ding hi,"

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

Isaiah 32:1

En un, ni khat ni ciangin thumanna tawh kumpi khat hong maang ding a, thutan’na tawh uliante in hong uk ding uh hi.

Isaiah 30:30

Topa in heh mahmahna leh a kangtum thei meikuang sung panin vanging leh huihpi leh gialpi tawh, ama liatna minthan’na aw kizasakin, ama khut a viik sukna kimusak ding hi.