Isaiah 4:1 - Tedim Bible

¹ Tua ni ciangin, nupi sagih in papi khat nei khawm ding uh a, “Kote in komau’ an ciat mah ne-in, komau’ puanciat mah ka silh ding uh hi, kote pen, nangma zi cih min bek hong pua sak in; ka minsiatna teng uh hong hum in,” ci ding uh hi.

Tedim Bible Revision 2017

¹ Tua ni ciangin nupi sagih in papi khat neikhawm ding uh a, “Kote in komauʼ an ciat ne-in, komauʼ puan ciat mah ka silh ding uh hi. Kote pen, nangma zi cih min bek hong puasak in; ka min siatna teng uh hong hum in,” ci ding uh hi.

Isaiah 4:1 Referans Kwoze

Piancilna 30:23

Amah gai-in tapa khata nei a, “Pasian in kei hong kikona teng lakhia khin ta hi,” ci hi;

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

Isaiah 13:12

Mihingte pen kham hoihte sangin a tawmzaw, minam pen Ofir gam khamte sangin a tawmzaw-in ka bawl ding hi.

Luka 21:22

Bang hang hiam na cih uh leh, tua ni ciangin a kigelh kholsa khempeuh a tun’ nadingin daanpiak ni ahi ding hi.

Luka 1:25

“Midangte kiangah ka thuak gensiatna, Topa in hong paihkhiatsak nadingin kei hong en-in, hih bangin keima tungah hong bawl zo hi,” ci-in kha nga tawntung inn sungah a bucip hi.

2 THESALONIKA NIHNA 3:12

Tua bang mite in nuamtakin nasemin, amau khut pana piang an a neek nadingun i Topa Zeisu Khazih suangin thu ka pia uh a, hansuahin ka zol uh hi.

Isaiah 17:7

Tua ni ciangin mite in amaute a Bawlpa pi ngaihsut ding uh a, amaute’ mit in Israelte’ Siangtho Pa en ding uh hi;

Isaiah 10:20

Tua ni-a kipan, Israel a om laite leh Jakob innkuan a suakta laite in amau a sugawppa suang nawn loin, Topa ahi, Israelte’ Siangtho Pa pen thuman tawh suan’ in, nei ding uh hi.

1 SAMUEL MASA 1:6

Topa in amah ta neisak lo ahih manin amah a el a zipih a lawmnu in amah nakpi takin phin zel, hehsak zel hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Isaiah 3:6

Mi khat in ama pa’ inn sungah a sanggampa lenin, “Nang in puan na nei hi; nang in kote’ makaipa nong hi ding a, hih a sia lomtangte pen nangma khut sung hi ding hi,” a cih ni ciangin,

Isaiah 54:4

“Lau kei in, maizumna na thuak kei ding hi; cih nading thei loin om kei in, maizumin nang hong kikoih lo ding hi; bang hang hiam cih leh na khangno lai-a na zumhuaina leh meigon’na hanga hong kikonate na phawk kha nawn kei ding hi.

Jeremiah 15:8

Tuipi-a sehnel om zah sangin nupi meigong ka tamsak zaw ding hi; na tangvalte uh a khan’ cin laitakin ka that ding a, a nute uh ka thuaksak ding hi. No’ tungah thakhat thu-in lungkhamna leh launa kong tungsak ding hi.

2 SAMUEL NIHNA 6:23

Tua ciangin Saul’ tanu Mikhal in a sih ni dongin ta nei lo hi.