Isaiah 39:8 - Tedim Bible

⁸ Tua ciangin Hezekiah in Isaiah kiangah, “Nong gensa Topa’ thu hoih hi,” a ci hi. Bang hang hiam cih leh amah in, “Kei’ hun sungin nopna leh lungmuanna om ding hi,” ci-in ngaihsun hi.

Tedim Bible Revision 2017

⁸ Tua ciangin Hezekiah in Isaiah kiangah, “Nong gen sa Topa’ thu a hoih ahi hi,” a ci hi. Bang hang hiam cih leh amah in, “Keiʼ nuntak hun sungin nopna le lungmuanna om buang ding hi,” ci-in a ngaihsun hi.

Isaiah 39:8 Referans Kwoze

2 KHANG TANGTHU NIHNATE 32:26

Ahih hangin Hezekiah a lungsim kiphatsakna thu-ah amah leh Jerusalem a, teeng mite kiniamkhiat uh ahih manin amaute tungah Topa’ hehna hong tung lo hi.

2 KHANG TANGTHU NIHNATE 34:28

En in, na pate kiang kong zuan sak ding a, nuam takin na han na zuan ding a, hih mun leh a tunga teengte tungah ka tun’sak ding siatna khempeuh na mit in mu lo ding hi,’ ci hi,” a ci hi. Tua ciangin amaute in kumpipa kiangah thu puak kik uh hi.

1 PETER MASA 5:6

Tua ahih ciangin a hun a cin’ ciangin Pasian in note hong pahtawi nadingin, ama khut vanglian nuai-ah na kiniamsak un.

Zekhariah 8:19

amah in, “Kha lina, kha ngana, kha sagihna, leh kha sawmna sunga antan’nate pen, Judah gam mite’ adingin lungdamin kipakin pawi bawlna hun suak ta ding hi. Tua ahih manin thuman leh kilemna deih pha un,” hong ci hi.

Zekhariah 8:16

Note, hih bangin gamta un: Note khat leh khat tungah thuman thutak kam kipau un. Thukhenna zumah, kilemna a piangsak ding thutang zang un.

Kah la 3:39

I mawhna hanga daan i thuak ciangin bang hanga phunphun ding i hi hiam?

Kah la 3:22

A bei thei lo Topa hong itna leh a hehpihna in a kizom paisuak hi a,

Late 39:9

Hih banga bawl nangmah na hih manin pau loin ka om a, ka kam ka ka kei hi.

JOB (Job) 1:21

Tua ciangin amah in, “Ka nu sung panin guaktangin ka suak a, Guaktang mahin ka ciahkik ding hi. Topa in hong pia a, Topa mah in hong lakik hi; Topa’ min kiphat ta hen,” a ci hi.

2 SAMUEL NIHNA 15:26

ahih hangin amah in, ‘nang tungah lungkimna ka nei kei hi,’ hong cih leh, en in, hih lai-ah kei ka om hi, amah in hoih a sak bangin kei tungah hong hih hen,” a ci hi.

1 SAMUEL MASA 3:18

Tua ahih ciangin Samuel in ama kiangah a vekpi-in genin bangmah iim lo hi. Tua ciangin amah in, “Amah in Topa ahi hi; amah in hoih a sak bangin amah hih sak in,” a ci hi.

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.