Isaiah 39:7 - Tedim Bible

⁷ Nang sung pan-a a suak, nangma tapate kimkhat kipaikhiatpih ding a, Babilon kumpipa’ inn sungah innsung mang nasep kisemsak ding hi,” a ci hi.

Tedim Bible Revision 2017

⁷ Nangʼ sung panin a suak, nangma tapate kim khat kipaikhiat pih dinga, Babylon kumpipaʼ inn sungah innsung maang nasep kisemsak ding hi,” a ci hi.

Isaiah 39:7 Referans Kwoze

2 KHANG TANGTHU NIHNATE 36:10

Tua kum khuakhal sungin Kumpi Nebukhadnezzar in mi sawl in Topa’ inn a, um-le-beel manphate tawh amah Babilon la sak a, Judah leh Jerusalem tungah Jehoiakhin’ sanggampa Zedekiah kumpi-in koih hi.

2 KUMPI NIHNATE 24:12

tua ciangin Judah kumpipa Jehoiakhin in Babilon kumpipa tungah amahmah, ama nu, a nasemte, a uliante, leh a kumpi inn-a zaneite kipia hi. Topa in a genkholhsa bangin Babilon kumpipa in ama uk a kum giatna kumin thongkia-in amah la a, Topa’ inn a, vanmanpha khempeuh, leh kumpipa’ inn a, vanmanpha khempeuh puakhia-in, Israel kumpi Solomon in a bawlsa, Topa’ biakinn sunga kham nazat khempeuh la hi.

Jeremiah 39:7

Zedekiah’ mittang a khelkhiat sak khit ciangin kol bulh a, Babilon-ah a ciahpih hi.

2 KHANG TANGTHU NIHNATE 36:20

Amah in namsau panin a suakta mite Babilon ah salin la a, Persia kumpi in a uk hun mateng amah leh a suan leh khakte’ nasem a suak uh hi.

2 KHANG TANGTHU NIHNATE 33:11

Tua ciangin Topa in Assiria kumpipa’ galkap ukte amau kiangah paipih a, amaute in sikkawite tawh Manasseh manin sumngo khau tawh khihin Babilon ah paipih uh hi.

2 KUMPI NIHNATE 24:15

Amah in Babilon ah Jehoiakhin a ciahpih hi; kumpipa’ nu, kumpipa’ zite, ama nuai-ah a zaneite, leh tua gam sung ukpite, Jerusalem panin Babilon ah amah in galmatin la hi.

2 KUMPI NIHNATE 24:10

Tua hun lai takin Babilon kumpipa Nebukhadnezzar Jerusalem ah hong kuanto a, tua khuapi ki-umcih hi.