Isaiah 38:5 - Tedim Bible

⁵ “Pai in la, Hezekiah kiangah gen in, Topa, na pa David’ pasian in hih bangin ci hi: Na thungetna ka za khin a, na khitui ka mu khin hi; en in, na nuntakna kumsawm leh kumnga kong piak beh ding hi.

Tedim Bible Revision 2017

⁵ “Pai inla Hezekiah kiangah gen in. Topa, na pa Davidʼ Pasian in hih bangin ci hi: Na thungetna ka za khin a, na khitui ka mu khin hi. Tua ahih ciangin na nuntakna kum sawm le kum nga kong piak beh ding hi.

Isaiah 38:5 Referans Kwoze

Mangmuhna 7:17

Bang hang hiam na cih uh leh, tokhom laizangah a om Tuuno in amaute’ tuucing suak a, amaute nuntakna ciktui omna-ah lam a hilh ding hi. Pasian in zong amaute mittang pan khitui khempeuh a nul siang ding hi,” ci-in hong gen hi.

Late 56:8

Ka sin liin’nate nangmah in na ciamteh khin hi; ka khituite na thawl sungah thun in! Tuate na laibu sungah om lo ahi hiam?

Luka 1:13

Vantungmi in, “Zekhariah aw, lau kei in. Na thungetna hong ngai zo hi. Na zi Elisabeth in tapa khat nang ading a nei ding hi. Tua tapa’ min Johan na phuak ding hi.

Late 147:3

Amah in lungsim kitamte damsak a, amau’ meimate tuamsak hi.

Late 116:15

Ama misiangthote’ sihna pen Topa’ muhna-ah manpha mahmah hi.

2 KORIN NIHNA 7:6

Ahih hangin a kinuaisiah mite a hehnem thei Pasian in Titu hong tun’na hangin kote hong hehnem hi.

2 KUMPI NIHNATE 19:20

Tua ciangin Amoz’ tapa Isaiah in Hezekiah kiangah sawlin, “Israel Pasian, Topa in hih bangin ci hi: Assiria kumpipa Sennakherib tawh kisai kei tungah nong thungetna ka za zo hi.

Mattiu 22:32

‘Kei in Abraham’ Pasian, Isaak’ Pasian, Jakob’ Pasian ka hi hi,’ a cihna thu note in sim ngeilo na hi uh hiam? Pasian in a site’ Pasian hi lo, a nungtate’ Pasian ahi hi,” a ci hi.

2 KUMPI NIHNATE 18:2

Amah in uk ding a kipatin kum sawmnih-le-nga pha a, amah in Jerusalem ah kum sawmnih-le-kua sung uk hi. Ama nu’ min in Abi hi a, Zekhariah’ tanu ahi hi.

1 KUMPI MASATE 8:25

Tua ahih ciangin tu-in Israel Pasian, Topa aw, ama tungah, ‘Keima mai-ah nang na gamtat mah bangin na tapate in keima mai-ah gamtat ding a kidop nak uh leh, Israel kumpi tokhom tungah a tu dingin keima mai-ah mi khat zong na tasam kei ding hi,’ ci-in na nasem ka pa David tungah na ciamsa thu len in.

Sawltak 27:24

‘Paul aw, nang lunghimawh kei in. Kaisar kumpipa mai-ah na ding ding hi. Nangmah tawh teembaw sungah a omkhawm mi khempeuhte Pasian in nang hong pia zo hi,’ hong ci hi.

Late 39:12

“Topa aw, ka thungetna hong ngai in la, ka kikona hong za in; ka khitui luan’na hong don loin om mawk kei in; Bang hang hiam cih leh ka pu ka pate khempeuh bangin keimah in na zin, na peemta ka hi hi.

JOB (Job) 14:5

Ama nuntak tan ding kisehkhol a—a nuntak ding kha phazah kiciangtan khin hi. Nangmah in na ciangtan khin a, kikheel thei lo hi.

2 KUMPI NIHNATE 18:13

Kumpi Hezekiah’ kum sawm-le-lina kumin Assiria kumpipa Sennakherib, Judah khuapi kulh a neite khempeuh a sim dingin hong kuan to-in tuate la hi.

1 KUMPI MASATE 15:4

Ahi zongin David’ hangin Topa a Pasian in Jerusalem ah meivak khat pia a, ama khitah a tapa koihin Jerusalem kipsak hi;

2 KHANG TANGTHU NIHNATE 34:3

Bang hang hiam cih leh ama uk a kum giatna sung, amah naupang ahih laipi mahin, amah in a pu David’ Pasian zon’ ding kipan hi; a kum sawm-le-nihna ciangin amah in Judah leh Jerusalem panin mual dawn a, biak piaknate, Asherah milimte, leh a kiseek leh a kisung milimte beisiang sak ding kipan hi.

Isaiah 38:4

Tua ciangin Isaiah tungah Topa’ thu hong tung a:

Late 6:9

Topa in ka thumna za zo a, Topa in ka thungetna hong sang hi.

Thuhilh-sia 3:3

Gawh hun om a, khawi hun om hi. Phel hun om a, lam hun om hi.

Isaiah 37:21

Tua ciangin Amoz’ tapa Isaiah in Hezekiah tungah thu puak a, “Israelte’ Pasian, Topa in hih bangin ci hi: Nang in Assiria kumpipa Sennakherib tawh kisai thu, kei kiangah thu hong ngen khin na hih ciangin,

Kah la 3:56

Kong thuumna hong ngai in ci-a kong thuum ciangin na hong za hi.