Isaiah 38:3 - Tedim Bible

³ “Topa aw, lungsim khempeuh leh thuman tak tawh nangma mai-ah gamta-in, nangma muhna ah a hoih nate ka sepna thu, tu-in nong phawk nadingin kong thuum hi,” a ci hi. Hezekiah nakpi takin kap hi.

Tedim Bible Revision 2017

³ “Topa aw, ka lungsim khempeuh le thuman tak tawh nangma mai ah gamta-in, nangma muhna ah a hoih nate ka sepna thu, tu-in nong phawk nadingin kong thum hi,” a ci hi. Hezekiah nakpi takin a kap hi.

Isaiah 38:3 Referans Kwoze

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Nehemiah 13:14

Ka Pasian aw, hih thu tawh kisai-in kei hong phawk in la, ka Pasian’ inn leh a nasep nadingin ka sepsa gamtat hoihte maimangsak kei in.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

Johan 1:47

Nathanael hong pai Zeisu in a muh ciangin, “En un, ama sungah kheemna om lo Israel mi taktak ahi hi,” ci-in tua pa’ thu a gen hi.

Nehemiah 13:22

Tua ciangin sabbath ni a siangtho-in a omsak theih nadingun amaute kisian’suah tawmin kongpite hong cin’ nadingun Levi mite ka sawl hi. Ka Pasian aw, hih thu ah zong hong phawk in la, na itna tawh kizui-in siatna panin kei hong pengsak in.

Nehemiah 5:19

Pasian aw, hih mite’ adingin ka bawlna khempeuh kei’ adingin a hoih lamin hong phawk in.

Thu-hilhkikna 6:18

-

Late 6:8

Siatna bawlte khempeuh aw, ka kiang panin kihemkhia un; bang hang hiam cih leh Topa in ka kahna aw a za zo hi.

1 KHANG TANGTHU MASATE 29:19

Amah in a lungsim khempeuh tawh na thupiaknate, na tecipannate, leh na thukhamte kemin a vekpi-in sem a, keimah in ka vaihawmsa inn lianpi amah in lam theih nading ka tapa Solomon tungah utna lungsim guan in,” a ci hi.

Hosea 12:4

Vantungmi tawh kilai-in lel hi. Tua ciangin Jakob zong kapin ama tung panin hehpihna ngen hi. Pasian in Bethel munah amah mu-in hopih hi.

Late 119:80

Guallelh maizumna ka thuak loh nadingin nangma ngeina kipte a kicing takin a zui zo mi hong hisak ta in!

Late 102:9

Bang hang hiam cih leh ka annek in vutte hi a, nangma thangpaihna leh hehna hangin ka tui dawnte khitui tawh kihel hi; bang hang hiam cih leh nang hehna in kei hong domto napi-in nong khiasuk kik hi.

Late 32:2

Topa in mawhna a khuksak loh mi, a lungsim-ah khemna a om lo mi in thupha ngah ahi hi.

Late 101:2

Paubaan’na a om lo thu bek ka kin ding hi. Cik ciangin kei kiangah nang hong pai ding na hi hiam? Lungsim hoihna tawh ka inn sungah ka gamta ding hi;

Late 26:3

Bang hang hiam cih leh na itna kip ka mai-ah om a, na tungah citakin ka gamta hi.

Late 16:8

Topa ka mai-ngat tawntung a, amah in ka taklam-ah om ahih manin ka kiling kei ding hi.

Nehemiah 13:31

Tua ciangin a kiseh hunin zat dingin cih ding sing tawh biakna leh anpal tawh biak nading ka vaihawmsak hi. Ka Pasian aw, a hoih lamin kei hong phawk in.

Nehemiah 1:4

Hih thu ka zak ciangin tusukin ka kap niloh a, ni tampi sung an tangin, vantung Pasian kiangah thu ka ngen hi.

Ezra 10:1

Ezra in tu-a bangin thu ngenin mawhna pulakin khitui naptui tawh Pasian’ inn mai-ah kunin a om lai takin Israel mi numei, pasal, naupang, mi tampi tak ama kiim-ah hong kikhawmin amaute khempeuh zong nakpi takin a kap uh hi.

2 KHANG TANGTHU NIHNATE 25:2

Amah in Topa’ mit-ah a man gamta a, ahi zongin lungsim paubaang lo hi zo nai sam lo hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu-a kipanin galdonate na nei ding hi,” a ci hi.

1 KHANG TANGTHU MASATE 29:9

Tua ciangin hih mite in utna lungsim tawh pia uh ahih manin mite lungdam uh hi; bang hang hiam cih leh amaute in lungsim khempeuh tawh Topa tungah cingtakin pia uh hi; kumpi David zong nakpi takin lungdam hi.

Piancilna 17:1

Abram kum sawmkua-le-kua a phak ciangin ama’ tungah Topa kilang a, “Keimah in Vanglian Pasian ka hi hi; hoih takin gamta in la, paubaang kei in.

Piancilna 6:9

Hihte in Noah’ suan-le-khakte tangthu ahi hi. Noah in a thuman mi khat hi a, ama' khang-ah paubang lo hi; Noah in Pasian tawh lam paikhawm hi.

1 KUMPI MASATE 15:14

Ahih hangin mual tunga biaknate kila khia lo hi. Ahi zongin ama hun sung khempeuh Asa’ lungsim Topa tungah thuman bup hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

Late 6:6

Ka tautauna-in ka gim hi; zan sialin ka khitui in ka lupphah tum a, ka kahkahna-in ka lupna kawt dikdek hi.

Isaiah 38:2

Tua ciangin Hezekiah kawm lam nga-in Topa’ tungah thungen a,

Isaiah 38:4

Tua ciangin Isaiah tungah Topa’ thu hong tung a:

2 KUMPI NIHNATE 18:3

Amah in a pu David’ hihna khempeuh tawh kizui-in Topa’ mit-ah a man gamta hi.