Isaiah 38:1 - Tedim Bible

¹ Tua hun lai takin Hezekiah a ci na-in si dektak hi. Amoz’ tapa, kamsangpa Isaiah ama kiangah hong pai-in, “Topa in hih bangin ci hi: Na innsung thu ding vaihawm in; bang hang hiam cih leh nang na si ding hi, na damkik zo kei ding hi, hong ci hi,” ci-in gen hi.

Tedim Bible Revision 2017

¹ Tua hun laitakin Hezekiah a ci na-in si dektak hi. Amozʼ tapa, kamsang Isaiah ama kiangah hong pai-in, “Topa in hih bangin ci hi: Na inn sung thu ding vaihawm in; bang hang hiam cih leh nang na damkik zo kei dinga, na si ding hi, hong ci hi,” ci-in a gen hi.

Isaiah 38:1 Referans Kwoze

2 KHANG TANGTHU NIHNATE 32:24

Tua hun lai-in Hezekiah cina-in si dektak a, amah in Topa tungah thu ngen hi; tua ciangin amah in a ngetna pia-in ama tungah lim khat pia hi.

2 SAMUEL NIHNA 17:23

Ahithofel in ama thugen a kizuih loh a muh ciangin a la tutphah vawhin ama khuapi a inn-ah nuak ciah hi. Tua ciangin amah in a innkuan vai hawmsak a, tua ciangin amahmah gui-awk hi; amah si a, a pa’ han-ah kivui hi.

Jonah 3:10

Pasian in amau’ hihnate mu a, a khialhnate uh panin a kihei uh a muh ciangin kisik kik a, amaute tungah hih dinga a cihsa siatna a tungsak nawn kei hi.

Sawltak 9:37

Tua lai takin amah a ci na a, a si hi. Amaute in ama luang a sil khit uh ciangin dei tungnung ah koih uh hi.

Jonah 3:4

Jonah zong khua sung lam manawh-in kipan-a, nikhat sung lam a pai khit ciangin, “Ni sawmli khit ciangin Nineveh khuapi a kisusia ding hi,” ci-in a kiko hi.

Isaiah 37:21

Tua ciangin Amoz’ tapa Isaiah in Hezekiah tungah thu puak a, “Israelte’ Pasian, Topa in hih bangin ci hi: Nang in Assiria kumpipa Sennakherib tawh kisai thu, kei kiangah thu hong ngen khin na hih ciangin,

Isaiah 37:2

Tua ciangin amah in, inn sung saipa Eliakim, lai-atpa Shebna leh siampi khangham teng dahna limin puanhampi silh kawmin Amoz’ tapa kamsangpa Isaiah kiangah sawl hi.

Isaiah 1:1

Judah gam kumpite ahi Uzziah, Jotham, Ahaz leh Hezekiahte’ hun lai in, Amoz’ tapa Isaiah in Judah gam leh Jerusalem khua tawh kisai a muh mangmuhnate in:

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

2 SAMUEL NIHNA 12:22

Amah in, “Naungek a hin’ lai-in an tangin ka kap hi; bang hang hiam cih leh, “Naungek a hin’ nadingin Topa in kei hong hehpih ding hiam hong hehpih lo ding hiam cih kua in thei ahi hiam?” ka ci hi.