Isaiah 36:9 - Tedim Bible

⁹ Izipt mite’ leengte leh sakol muanna tawh ka topa’ leengte lak panin a neu pen khat ahi galkap mang khat bek nangawn bangci-in not zo ding na hi uh hiam?

Tedim Bible Revision 2017

⁹ Egypt miteʼ leengte le sakol galkapte muanna tawh ka topaʼ nasemte lak panin a neu pen khat ahi galkap maang khat bek nangawn bangci-in not zo ding na hi uh hiam?

Isaiah 36:9 Referans Kwoze

Isaiah 10:8

bang hang hiam cih leh amah in, “Ka galkap mangte pen kumpi vive hi khin hilo ahi hiam?

Jeremiah 2:36

Bang hangin na lungsim khel ziauziau na hi hiam? Assiriate in nang hong maizumsak ngei bangin Iziptte in zong hong maizum sak ding uh hi.

Isaiah 36:6

En un, ama tunga a kingam mipa’ khut a sun ding, a kikuaitansa pumpeng ciangkhut tawh a kibang, Izipt na suang uh hi. Amah a muang khempeuhte tungah Izipt kumpipa Faro, tua pumpeng bang hi lel hi.

Isaiah 31:3

Izipt mite mihing hi a, Pasian hilo hi; amau’ sakolte in sa hi a, kha hilo hi. Topa in a khut a zan ciangin a huhpa puk-in, huhna a ngahpa tuk ding a, amaute khempeuh siakhawm ding uh hi.

Isaiah 30:7

Bang hang hiam cih leh Izipt’ huhna bangmah man loin a hawmpi hi a, tua ahih manin, “Tang lo a, a tu hithiat Rahab” ci-in min ka phuah hi.

Isaiah 20:5

Tua ciangin amau’ muan Ethiopia leh amau’ kisialhpih Izipt’ hangin amaute lungkia-in a maizum ding uh thei lo ding uh hi.

Paunak 21:31

Galdo nadingin sakolte a baihsa-in kikoih a, ahi zongin galzawhna pen Topa’ hang hizaw hi.

2 KUMPI NIHNATE 18:24

Tua ahih ciangin note in leengte leh sakol tuangte tawh kisai-in Izipt a suang kimlai-in bangci-in ka topa’ nasemte lakah a neupen galkap ukpa khat lehnawh zo ding na hi uh hiam?

Thu-hilhkikna 17:16

Amah in ama aituam dingin sakolte tampi pha sak lo ding hi; Topa in no kiangah, ‘Hih lampi tawnin na kileh kik ngei kei ding uh hi,’ hong ci ahih manin, amah in sakolte tampi-in khangsak lo ding hi; Izipt gamah mite a paikik nading piangsak lo ding hi.

2 KUMPI NIHNATE 7:6

Bang hang hiam cih leh Topa in leengte, leh sakolte, galkap hon lianpi khatte’ ging Siria galkapte zasak a, tua ahih ciangin amaute khat leh khat in, “En un, Israel kumpipa in eite hong hih dingin Hit kumpite leh Izipt kumpite cial hi,” kici uh hi.

Isaiah 36:8

Tu-in hong pai un la, ka topa Assiria kumpipa tawh kiciamna khat bawl un: A tunga tuang ding mi na ngah zawh nak uh leh sakol tulnih kong pia ding hi.