Isaiah 34:6 - Tedim Bible

⁶ Topa in namsau khat nei hi; sisan tawh kidim ding a, biakna piakna tuuno si leh keel si, tuutalte’ kalthau tawh a zol bang ding hi. Bang hang hiam cih leh Topa in Bozrah khua ah hih biakna piakna nei ding a, Edom gamah hih bang tampi thahna omsak ding hi.

Tedim Bible Revision 2017

⁶ Topa in namsau khat nei hi. Sisan tawh kidim dinga, biakpiakna tuuno si le keel si, tuutalteʼ kal thau tawh a kizolsak bang ding hi. Bang hang hiam cih leh Topa in Bozrah khua ah hih biakpiakna nei dinga, Edom gamah hih bang tampi thahna omsak ding hi.

Isaiah 34:6 Referans Kwoze

Isaiah 63:1

Edom gam, Bozrah khua panin puan ausan silhin a hong pai, a puan silhna-ah minthan’na nei-in, ama thahatna tawh hong paipa kua ahi hiam? A honkhia zo dingin hatna a nei, gualzawhna thu a zasak dingin a hong paipa in Topa ahi keimah ka hi hi.

Jeremiah 49:13

Bang hang hiam cih leh Topa in kong cih-inah Bozrah khua in mite’ lipkhap ding, zahpih ding, nusiat ding leh kihaamsiatna a, a zat ding uh a suak ding hi,” a ci hi.

Zefaniah 1:7

Topa Pasian’ mai-ah gamdai takin om un! Topa’ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite sian’suah khin hi.

Jeremiah 51:40

Thahlup ding a, kipaipih tuuno bangin ahi zongin, tuutal leh keeltal bangin ahi zongin, amaute ka paipih suk ding hi.

Jeremiah 50:27

A galkap hangte khempeuh uh thahsak un. Amaute in gimna a thuak ding uh hi, a thuak ni ding uh hun hong tung zo hi.

Isaiah 63:3

Mite’ lak panin kuamah in hong huh loin keimah guak in leenggah cil bangin minamte ka cil hi; sin sona tawh amaute ka cil a, hehna tawh amaute ka tuancil hi; ka puan tungah amaute’ sisan hong kitheh gawp a, ka puan khempeuh tungah sisan hong baang hi.

Isaiah 34:5

Bang hang hiam cih leh ka namsau in vantungah a sep ding khempeuh a zawh khit ciangin, en un, a siamang ding a, ka sehsa Edom mite tungah thukhen dingin hong kum suk ding hi.

Thu-hilhkikna 32:14

Bawnghon panin bawngnawi thaukhal, tuuhon panin tuunawi, tuunote leh tuutalte’ thau tawh, Bashan bawng honte leh keelte, mangbuh hoihpente tawh leenggah tuisan na dawn uh hi.

Ezekiel 21:10

Mi thah nadingin kitat hiam sitset a, khuaphia bangin a tee zialzial dingin kipuah hi. Note in thuhilhna ngai nuam lo na hih manun, kuamah in tua namsau kho thei lo hi.

Thu-hilhkikna 32:41

a tee ka namsau taatin, thukhen ka kipat ciangin, ka galte tungah phu ka la ding a, kei hong mudahte ka thukkik ding hi.

2 SAMUEL NIHNA 1:22

“A kithat mite’ sisan pan, A vanglianpa’ thal pan, Jonathan’ thal hong kileh kik lo a, Saul’ namsau hong guak kik lo hi.

1 KHANG TANGTHU MASATE 1:44

Bela a sih ciangin ama tangin Bozrah khuami Zerah’ tapa Jobab in uk hi.

Late 137:7

Topa aw, Jerusalem a siat ni-a Edom mite in, “Sumai un, sumai un! A bulpi dongin sumai un!” a cih vialna uh phawk in.

Isaiah 65:12

namsau tawh a si dingin kong seh ding a, hong that dingte’ mai-ah na ngawng uh na dawh ding uh hi; bang hang hiam cih leh kong sap ciangin note in nong dawng kei uh a, thu ka gen ciangin nong ngai kei uh hi. Keima thu, man’ loh ding mah na utzaw uh a, a sia na gamta uh hi.

Jeremiah 12:12

Sehnel gam mualsang panin a susia dingte hong pai zo uh hi. Gam mong khat panin gammong khat dongah a lungmuang kuamah om lo hi. Bang hang hiam cih leh Topa’ namsau in mi khempeuh a vattuk hi.

Jeremiah 25:34

“No makaite aw, tau un la, kap un, no uliante aw, vut lakah kikhuk un. Bang hang hiam cih leh hong kithahlup ni ding leh na kikhenthang ni ding uh hong tung zo hi; tuutal teelte bangin hong kithatlum ding hi.

Jeremiah 46:10

Bang hang hiam cih leh tu ni-in a vanglian Topa Pasian’ ni hi a, phu a lak kik ni, a galte a thuhkik ni ahi hi. Namsau in amaute that ding a, a kham mateng a si uh a dawn ding hi. Bang hang hiam cih leh a vanglian Topa Pasian in, Eufrates gun gei leilu lamah amaute biakna piakna-in a nei hi.

Jeremiah 49:7

Edom gam tawh kisai-in, a vanglian Topa in a gen-inah: “Teman gamah pilna om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

Ezekiel 35:8

Mual tung khempeuh siluang hawm tawh ka kidimsak ding a, mual leh guam khempeuh dimin gal sunga a site’ luanghawm om ding hi.

Ezekiel 35:15

keima mi Israelte a siat gawp manin na lungdamna zah tawh kizui-in nangma tungah kong bawl ding hi. Seir Mualtung gam, Edom, leitang khempeuh, gamkhing suak ding hi. Tua ciangin Topa ka hihna thu mi khempeuh in thei ding uh hi,” hong ci hi.

Amos 1:11

Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Isaiah 29:2

Ahih hangin keimah in ‘Pasian’ biakna tau, a kici tungah gimna ka tungsak ding hi. Thuumna leh tauna om ding a, tua khuapi pen, biakna halna biakna tau suak ding hi.