Isaiah 34:16 - Tedim Bible

¹⁶ Topa’ laizial sung panin zong un la sim un: Hih ganhingte khempeuh khat beek zong mangthang lo ding a, lawmsam khat zong om lo ding hi. Bang hang hiam cih leh Topa’ kam in thu pia khin zo a, amahmah in amaute kaikhawm ding hi.

Tedim Bible Revision 2017

¹⁶ Topa’ laibu sung panin zong unla hih thu sim un. Hih ganhingte khempeuh khat beek zong mangthang lo dinga, lawm sam khat zong om lo ding hi. Bang hang hiam cih leh Topa in thu pia khinzo a, a mahmah in amaute kaikhawm ding hi.

Isaiah 34:16 Referans Kwoze

Late 33:9

Bang hang hiam cih leh amah pau a, hong piang hi; thu pia a, hong om hi.

Joshua 1:8

Hih thukham laibu na mangngilh ngei kei ding hi. A sunga a kigelh thute khempeuh tawh kizui-in na gamtat theihna dingin sun leh zanin na lungngaingai ding hi; tua hi leh na lampi mavang ding a, na nasep tangtung ding hi.

Mattiu 5:18

Aman takpi kong cih-inah, van leh lei a mangthang zongin thu khempeuh a kicin’ matengin Pasian’ Thukham a neupen nangawn kisia ngei lo ding hi.

Late 33:6

Topa’ kampauna tawh vantung piang a, ama kam pan-a husan’na tawh vantung nate a piang hi.

Isaiah 30:8

Tu-in pai in la, hong tung lai ding hunte ah teci ahi ngitnget dingin amaute’ mai-ah suangpeek tungah gelh in la, laizial khat sungah at in.

Johan 10:35

Pasian thu a ngahte in pasiante ahi uh a kicih leh, Pasian Lai Siangtho kinial lo ahih ciangin,

Paunak 23:12

Hong kihilhnate zui-in la, pilna thu hong kigente ngai in.

Luka 21:33

Van leh lei a mangthang ding hi; ka thu ahih leh, a mangthang ngei kei ding hi.”

Malakhi 3:16

Topa a zahtak mite khat leh khat in tua bangin thu kigen uh a, amaute’ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Amos 3:7

Topa Pasian in ama nasem kamsangte tungah, ama geelna theisak lopi-in bangmah hih het lo hi.

Isaiah 58:14

Keimah biakna hangin lungdamna na ngah ding uh a, leitang a sanna munte ah kong tungsak ding hi. Na pu uh Jakob tungah ka piak leitang luahin nuam na sa ding uh hi. Topa ahi keimah in hih thu ka gen khin hi,” a ci hi.

2 PETER NIHNA 1:19

Tua bang hangin kamsangte’ thugenna thu, eite adingin a kip zaw hi. Note lungsim sungah khuavakin, zingsol suak a, khua hong vak dongin tua thu, khuamialna-ah a tang meivak bangin ngaihsunin na belh dingun a kilawm hi.

Isaiah 1:20

Ahih hangin note in kei hong nialin nong lehdo uh leh namsau in note hong vatmai ding hi; bang hang hiam cih leh Topa in hih thu gen khin zo hi.”

Piancilna 6:17

Bang hang hiam cih leh, en in, vantung nuai-a om nuntak husan’na a nei khempeuh susia dingin leitungah tuiciin ka tungsak ding hi; leitunga om khempeuh si ding hi.

Johan 5:39

Lai Siangtho hangah nuntak tawntungna ngah nung ci-in na up manunah Lai Siangtho na tel et uh hi. Hih Lai Siangtho in keima ading teci ahi hi.

Thu-hilhkikna 31:21

Siatna leh haksatnate amaute tungah a tun’ ciangin hih la in teci-in amaute lang khatah pang ding hi (bang hang hiam cih leh a suan leh khakte un mangngilh lo ding uh hi); bang hang hiam cih leh piak dingin ka kiciam leitangah amaute ka paipih ma-in, amau’ vaihawm kholh a ngimnate uh ka thei hi,” a ci hi.

Isaiah 14:31

Filistia khuapi kongpite aw, nakpi-in kap un; khuapite aw, kiko un; Filistia mi khempeuh aw, lau-in liing un! Bang hang hiam cih leh leilu lam panin galkap honte’ hong paina leivui khu hong kitung a, tua galkapte lakah a meidawi khat beek om lo hi.”

Isaiah 40:5

Topa’ kam in gen khin ahih manin, Topa’ minthan’na hong kilang ding a, mi khempeuh in mu khawm ding uh hi,” a ci hi.

Isaiah 40:26

A sangna vantung lam ento un la, mu un: kua in hihte piangsak ahi hiam? Amau’ aksi honpite khat khatin piangsakin, a lian ama thahatna tawh amaute khempeuh a min un a sampa ahi hi; vangliatna-ah thahat ahih manin khat beek pelem lo hi.

Isaiah 21:17

Kedar mi thaltawi siam a om laite tawm ding hi; bang hang hiam cih leh, Topa, Israelte’ Pasian in hih thu gen khin zo hi,” hong ci hi.

Zekhariah 4:6

Tua ciangin vantungmi in kei kiangah, “Topa in Zerubbabel’ tungah hih bangin thu gen hi; Thagum hat hang hi lo, vangliatna hang zong hi lo, keima tung panin na ngah Kha hang bek tawh na ma na tun’ zo ding hi.