Isaiah 34:13 - Tedim Bible

¹³ Kumpi inn liante sungah lingkung po ding a, kulh a nei khua sungah laho kung leh thangling kung po ding hi. Ngiate’ an zon’na mun suakin, kalaoh-vasate’ omna hi ding hi.

Tedim Bible Revision 2017

¹³ Kumpi inn liante sungah lingkung po dinga, kulh a nei khua sungah laho le thangling kungte a po ding hi. Ngiateʼ an zonna mun suakin, vasa-kalaohteʼ omna mun hi ding hi.

Isaiah 34:13 Referans Kwoze

Jeremiah 10:22

Ngai dih un, thu khat kigen veh! Judah khuapite gamlak a suaksak ding leh se-alte’ kua a suaksak dingin leilu lam gam panin buaina lianpi khat hong pai veh!

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

Malakhi 1:3

Esau leh a suan a khakte ka mudah hi. Esau’ neih mualtung gamte ka susia a, gamlak gamsate tungah ka pia hi,” ci hi.

Mangmuhna 18:2

Amah in, “Babilon khuapi a cim hi, a cim hi! Dawigilote’ omna, kihhuai kha khempeuh kikhumna, kihhuai leh gilo vasate kikhumna a suak zo hi.

Zefaniah 2:9

Keimah in a nungta Israel Pasian ka hih mah bangin, Moab mite, Sodom khuamite bangin kisusia-in, Ammon mite, Gomorrah khuamite bangin kisusia-in, a gam sung uhah lingkung bek po zoin, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak tak kei leh, ci-in ka kiciam hi,” ci hi.

Hosea 9:6

Lungkhamna hun hong tungin, mite na kithehthang uh ciangin, Izipt mite in note hong saangin hong kaikhawm ding a, amau gam Memfis khuapi-ah vui ding bek na hi uh hi. Na inn na lote uh, kiak leh lopa in khuhcip lel ding hi.

Jeremiah 51:37

Tua ciangin Babilon khuapi pen innsia losia suak ding a, se-alte’ teen’na mun suakin, a lipkhaphuai, simmawhna tawh a kiphitsan, kuama’ teen’ lohna mun a suak ding hi.

Jeremiah 49:33

Hazor khua in se-alte’ teen’na a suak ding a, a tawntung-a a kisia den khua a suak ding hi. Kuamah teeng lo ding a, tawm vei beek zong a va zin kei ding uh hi,” a ci hi.

Isaiah 35:7

a sa mahmah sehnelte bualtui hong suak ding a, a keugaw leitang pen ciktui tawh hong kidim ding hi; ngiate’ omna ngei leitang pen nawngpi suakin, lopa, pumpeng leh mau po ding hi.

Isaiah 25:2

Bang hang hiam cih leh nang in khuapi pen ninbulomtang na suah a, a muanhuai khuapi a sia na suaksak hi; mi kiphasakte’ mun muanhuai pen khua hi nawn lo a, cik mah hunin kilam nawn lo ding hi.

Kah la 4:3

Keivompi nangawn in zong a note a nawi pia thei buang napi, ka mite in kalaoh vasa bangin a tanote a sugawp hi.

Jeremiah 51:43

A khuapite a mulkimhuai suak ta a, leikeuna sehnel gam suak ta hi. Gam sungah kuamah teeng lo a, kuamah in kantan ngei lo hi.