Isaiah 34:11 - Tedim Bible

¹¹ Ahih hangin gamlak simbu leh leh a ham zalzal simbu in, gamsung teng luah ding uh a, simbupi leh muu om ding uh hi. Pasian in Edom gam tungah buaina a khaukhai khai sukin kisiatna khaukhai sikbawk khia ding hi.

Tedim Bible Revision 2017

¹¹ Ahih hangin mu le sakuh in gam sungteng luah ding uh a, keising le va-akte om ding uh hi. Tua gam pen gam simtham suakin, hawmsuak ding hi.

Isaiah 34:11 Referans Kwoze

Kah la 2:8

Topa in Jerusalem kulhpi a kipuk ding a ngaihsun khin zo hi. Amah in a vekpi in a kisia khin dingin a sehzo hi. Tausangte leh kulhpite tu-in a kisia khin pikpek ta hi.

2 KUMPI NIHNATE 21:13

Keimah in Jerusalem tungah Samaria a kitehna khau leh Ahab’ innkuan khaukhai sikbawk ka khai ding hi; tua ciangin mi khat in pakan a nul bangin keimah in Jerusalem nulin ka lumlet ding hi.

Zefaniah 2:14

Tuuhon leh bawnghonte, tua khua sungah lumin, ganhing namkim phualpi suak ding hi. Gunva leh gunvapite, bangtung zawl-ah tuang ding uh a, kongvangneu-ah keising khuang-in, sangkil tungah va-ak ham ding hi. Taamtaak sing tawh a kilam innte maimang ding hi.

Mangmuhna 18:2

Amah in, “Babilon khuapi a cim hi, a cim hi! Dawigilote’ omna, kihhuai kha khempeuh kikhumna, kihhuai leh gilo vasate kikhumna a suak zo hi.

Isaiah 14:23

Simbute’ om nadingin tua khuapi bawlin, bualtui ka suaksak ding a, siatna munphiah tawh ka phiat khia siang ding hi,” Vanglianpen Topa in ci hi.

2 SAMUEL NIHNA 8:2

Tua ciangin amah in Moab mite zo a, amaute khauzang khat tawh tehin, lei lakah amaute lumsak hi; amah in thah dingin gual nih leh khah dingin gual khat dim teh hi. Tua ciangin Moab mite in David’ nasemte suakin siah puak uh hi.

Isaiah 24:10

Khuapi hawm suak pen kisiacip suk a, kuamah a tum theih loh nadingin inn khempeuh kikhakcip hi.

Late 102:6

Gamlak-a om musane leh mun kolhna-a om simbu tawh ka kibang hi;

Isaiah 34:17

Amah in amaute’ tan dingin leitang hawmsak ding a, amau’ tanh ding ciat pia ding hi. Amaute in tua gam nei tawntung ding a, khang khat pan khang khat dongin teeng paisuak ding uh hi.

Amos 7:8

Tua ciangin Topa in kei kiangah, “Amos aw, bang na mu hiam?” hong ci hi. Kei zong dawngin, “Khaukhai khat mu ing,” ka ci hi. Tua ciangin Topa in, “En in, ka mi Israelte a khialhna uh a kitheih nadingin, hih khaukhai tawh ka en hi. Amaute daan ka piak ding ka khiamkik nawn kei ding hi.

Siampi Laibu 11:16

kalaoh-vasa, pengpelep, vatawt, musi nam khempeuh,