Isaiah 33:9 - Tedim Bible

⁹ Leitang kinusia cipin ommawk hi. Lebanon mual-a tulak singte vulgawp a, Sharon gam leihoih pen sehnel gam bang ta hi; Bashan mual leh Karmel mual-a singtehte pulh mang khin ta uh hi.

Tedim Bible Revision 2017

⁹ Leitang kinusiacipin om mawk hi. Lebanon mual a tulak singte vul gawp a, Sharon gam leihoih pen sehnel gam bang ta hi. Bashan le Karmel mual a singtehte pulh mang khinta hi.

Isaiah 33:9 Referans Kwoze

Isaiah 35:2

tampi takin palhkhia ding a, lung nopna leh lasakna tawh lungdam ding hi. Lebanon mual a minthan’na, Karmel mual leh Sharon mual, a min liatna ama tungah kipia ding hi. Amaute in Topa’ minthan’na, i Pasian’ liatna mu ding uh hi.

Nahum 1:4

Amah in tuipi a taii ciangin tuipi kangcip pah a, gunpite zong kangcip sak hi. Bashan gam keu gawpin, Karmel Mual kausan a, Lebanon Mual-a pakpalhte vul hi.

Isaiah 65:10

Amaute in kei hong zong ding uh a, Sharon gam pen amau’ tuu hon gamtatna mun suaksakin, Akhor Kuam pen amau’ bawng honte’ lupna mun a suaksak ding uh hi.

Micah 7:14

Topa aw, nangma tuu ahi na mite na ciangkhut tawh hong cing in. Gamnuam lei hoihna sungah amau guakin om uh hi. Taanglai huna mah bangin, Bashan leh Gileah gam nuamah tasak in.

Jeremiah 50:19

Israel mite pen a omna sa uh mun mah ah ka omsak kik ding a, Karmel leh Bashan mual ah an ne-in Efraim mual Gilead mualah lungkim takin a om ding uh hi.

Isaiah 37:24

Nangmah in na nasempa zangin, Topa na zahko a, Lebanon mual dong pek, mual sangte tungah ka leeng tampite tawh ka pai khin hi; taamtak sing a sang pente, taksing hoih pente ka phuk khin hi; a sang pen mun, tulak a thuk penna munah ka paikhin hi.

Isaiah 24:1

En un, Topa in leitung hawmsuak sakin gamkhing suaksak ding a, amah in lei maitang huiheek gawpin, a tunga teeng mite thehthang ding hi.

Isaiah 14:8

Taksing kungte nang tungah lungdamin, Lebanon mual taamtaak singkungte in, “Nang hong kiniam koih khit nungsang kote phuk dingin kuamah hong pai nawn kei,’ ci uh hi.

Isaiah 3:26

Khuapi kongpi pen tau-in thuum ding hi; khuapi pen gamkhing suakin, a tangguak-a om nupi bangin lei lakah tucip ding hi.

Isaiah 2:13

a sang, a kilamto, Lebanon mual taamtaak singkungte khempeuh; Bashan mual tawsaw kungte khempeuh;

Solomon la 2:1

Keimah in, Sharon gam sunga om gamlak paak, mual kuam sunga unok paak ka hi lel hi. Tangval:

Thu-hilhkikna 3:4

Tua hunin a khuapite khempeuh i la hi—amau kiang pan i lak loh khuapi khat zong om lo hi—Bashan gama Og kumpi gam sung, Argob gambup, khuapi sawmgukte ahi hi.

Sawltak 9:35

Lidda khua akipan Saron gamah a om mi khempeuhte in tua pa a muh uh ciangin Topa kiangah a kihei uh hi.

Isaiah 10:34

Amah in tulak singte hei tawh phuk ding a, Lebanon mual pen Vanglian Pa’ mai-ah puk ding hi.

Isaiah 29:2

Ahih hangin keimah in ‘Pasian’ biakna tau, a kici tungah gimna ka tungsak ding hi. Thuumna leh tauna om ding a, tua khuapi pen, biakna halna biakna tau suak ding hi.

Hosea 4:3

Tua ahih ciangin leitang keugaw-in a tunga teeng khempeuh tawh si ding a, leitunga om gamsa khempeuh leh huih lak a, leeng vasa khempeuh tawh si mang ding uh a, tuipi sunga om ngasate nangawn si mang ding hi.

JOB (Job) 15:33

A min ma-in a gahte a pulh leenggui bang ding a, a pakte a pulh mangkhin oliv kung bang ding hi.

Amos 1:2

Amos in, “Zion Mual panin Topa hong hawksuk a, Jerusalem khua panin hong awngkek hi. Tua ahih manin, lonona gam teng keugawp a, Karmel mual dawn dum dide teng kausan ta hi,” a ci hi.