Isaiah 33:6 - Tedim Bible

⁶ amah pen nangma hunte a kipna, hohkhiatna a kicin’na, pilna leh theihna hi ding hi; Topa kihtakna pen ama sumgum hi ding hi.

Tedim Bible Revision 2017

⁶ Amah pen nangma hunte a kipna, hotkhiatna a kicinna, pilna le theihna hi ding hi. Topa kihtakna pen ama sumgum hi ding hi.

Isaiah 33:6 Referans Kwoze

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Paunak 19:23

Topa a zahtakte in nuntakna nei-in, lungkim takin nuamsa-in om uh a, siatna bangmah tuak kha lo uh hi.

1 TIMOTI MASA 6:6

Lungkimin Pasian biakna lamah nopsakna in hauhna lianpi a piangsak thei hi.

Thuhilh-sia 7:19

Khuapi a uk mihing sawm sangin pilna in mi khat hatsak zaw hi.

Paunak 14:27

Topa zahtakna in nuntakna tuinak tawh kibang a, sihna thang tawh kipelhsak hi.

Late 28:8

Topa in ama mite’ thahatna hi a, amah in a sathau nilhpa’ kihotkhiatna buk ahi hi.

Isaiah 51:6

Dakto-in vantungte en un la, leitung zong ensuk un; bang hang hiam cih leh vantungte in meikhu bangin mangthang-in, leitung in puan bangin paatkhia ding a, ama tunga teengte pen thokang bangin si ding uh hi; ahih hangin keima hotkhiatna kip tawntung ding a, keima dikna bei ngei lo ding hi.

Thuhilh-sia 7:12

Sum in hong lungmuan’sak bangin pilna in zong hong lungmuang sak hi. Pilna a manphatna in a pilte a nuntaksak theihna ahi hi.

Paunak 28:2

Gamsung mite a hoih loh ciangin, a ban banin gam uk tampi nei uh a, ahi zongin mipil thu ngaihsun theite in, gamsung thahatsakin kipsak uh hi.

Paunak 15:16

Hau napi-a lungkham sangin, zawng napi-a Topa zahtakna hoihzaw hi.

Late 140:7

Topa, keima Topa, a thahat kei hong honkhiapa aw, gal kidona sungah keimah nong hu hi.

Late 45:4

Thumanna a om nading leh thuman hu’ dingin na minliatna tawh gualzo-in hong pusuak in la, dipkuat-huai hih nate na taklam khut nangmah kihilhsak in!

2 KORIN NIHNA 6:10

a dahte bang ahi zongin a nuam tawntung mi hi-in, a zawng mite bang ahi zongin a ngah a hau mite hi-in, sum khat beek a nei lo mi bang ahi zongin na khempeuh a nei mite hi-in Pasian’ nasemte ka hi takpi uh a, na khempeuh tawh kilangin ka lak uh hi.

Paunak 29:4

Thuman-a a gamta kumpi in a gam kipsak a, sum bek a ngaihsun kumpipa in a gam siasak hi.

2 KUMPI NIHNATE 18:7

Tua ciangin amah tawh Topa omkhawm hi; a kuankhiatna khempeuh ah mavang hi. Amah in Assiria kumpipa lehdo-in ama na sem lo hi.

Paunak 14:26

Topa a zahtak mi in lungmuanna nei a, a tate’ belh theih ding ahi hi.

Isaiah 11:9

Ka mual siangtho buppi tungah amaute khat leh khat kiliamsak lo ding uh a, kisusia lo ding uh hi; bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Isaiah 26:1

Tua ni ciangin Judah gam sungah hih la kisa ding hi: “Khuapi muanhuai khat i nei hi; Topa mahmah in i kulhte leh i panmun kipte hong hut sak hi.

Isaiah 33:20

Pawite i bawlna khuapi Zion en un! Daii tak-a a kiteen’na mun, a khetphimte a tat ngei lo, a kikhin thei lo puanbuk a bang, Jerusalem khuapi, na mu ding uh hi.

Isaiah 45:17

Ahih hangin Israel pen Topa in tawntung hotkhiatna tawh honkhia hi; nang in cikmah hunin maizumna na thuak kei ding hi.

Isaiah 51:14

Thong sunga kikhum mite kikhah baih ding hi; amaute sau veipi nungta ding uh a, annek tuidawn kitasam lo ding uh hi.

JOB (Job) 4:6

Na biakna in hong hehnem zo lo ahi hiam? A paubaang lo, na nuntakna in lametna hong pia zo lo ahi hiam?

Paunak 2:5

Tua hi leh, Topa zahtakna thu na thei ding a, Pasian na theitel ding hi.

Paunak 14:24

Pilna in mipilte’ minthan’na lukhu hi a, haina in mihaite’ kizepna bulpi pen ahi hi.

Isaiah 32:17

Tua ciangin thumanna hangin nopna om ding a, thumanna hangin daihna leh lungmuan’ tawntungna om ding hi.

Isaiah 32:18

Ka mihingte pen kilem tak-a teen’na lungmuang tak-a omna inn, daii tak-a tawlngakna munah om ding uh hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Habakkuk 2:14

Tuipi in tui tawh a kidim mah bangin, leitung in Topa’ minthan’na theihna tawh kidim ding hi.