Isaiah 33:4 - Tedim Bible

⁴ tangngol in na a khop bangin amau’ van nusiatte kikaikhawm a, kauphe honpi bangin van tawmin mite phe zaizai hi.

Tedim Bible Revision 2017

⁴ Tangngol in na a khop bangin amau van kinusiate kaikhawm a, kauphe honpi bangin van tawmin mite phe zaizai hi.

Isaiah 33:4 Referans Kwoze

Joel 2:25

Note a hong sim dingin ka hong sawl, kauphe honpi, a tuan kauphe, a susia kauphe, a pettan kauphe hih ka galkap honte’ hong neksak kum sunga piang teng taang kong piakik ding hi.

Joel 2:9

Khuapi sung hong kiden’na uh a, kulh tung khawngah tai zaizai uh hi. Inn tung khawngah kahto ngeingai uh a, guta bangin kongvangneu-ah hong lut uh hi.

Isaiah 33:23

Gal teembaw khaute kol a, ama om nading mun sanah gunkuang puan khuam lenkip zo lo a, gunkuang puan zal thei lo hi. Tua ciangin galte’ neihsate kihawm keek ding a, khebaite nangawnin van ngah ding uh hi.

2 KHANG TANGTHU NIHNATE 20:25

Van kinusiate a tawm dingin Jehoshafat leh a mite hong pai ciangin bawngte, vante, puante, leh na manphate tampi tak mu uh a, a puak zawh loh ciang dong uh amau’ adingin la uh hi. Van kinusiate tam mahmah ahih manin ni thum sung tawm uh hi.

2 KHANG TANGTHU NIHNATE 14:13

Asa, leh amah tawh a om mite in Gerar ciang dong amaute delh uh a, a hing kuamah a om nawn loh dongin Ethiopia mite puk uh hi; bang hang hiam cih leh Topa leh ama galkapte mai-ah amaute kisusia hi. Judah mite in van kinusia tampi tak puakhia uh hi.

Isaiah 33:3

Vanging a bang nangma’ aw hangin mite tai a, nangma thawhtohna hangin minamte kithehthang hi;

Isaiah 33:5

A sangna munah teeng ahih manin Topa kipahtawi hi; amah in thutang leh dikna tawh Jerusalem dimsak ding hi;

Ezekiel 25:7

Hih bangin gamta se na hih manun note’ nate hong sut gawp ding minamte khut sungah kong pia ding hi. Note hong sumaimang ding ka hih manin a minam-in ahi a, a gam-in ahi zongin na ding zo nawn kei ding uh hi. Tua ciangin Topa ka hihna na thei ding uh hi, ci-in gen in,” hong ci hi.

Joel 1:4

A pettan kauphete’ nek bang teng, kauphe honte in ne tum a, kauphe honte’ nek bang teng, a tuan kuaphete in ne tum a, a tuan kauphete’ nek bang teng, a susia kauphete in ne mang khin hi.

Joel 2:3

A madawkte in a haltum thei meikuang bang a, a nungdalte in mei-am alh tawh kibang hi. Amau’ hong tun’ ma-in gam sung teng Eden huan bang hi a, amau’ khit ciangin a kinusia a keugawp gam tawh kibang hi. Amaute kiang pan a suakta bangmah om lo hi.