Isaiah 33:16 - Tedim Bible

¹⁶ Hih in a san’na munte ah teengin, kulh mualpi bukna-a a zang ding mipa ahi hi. Amah an kipia in, a dawn ding tui kitasam lo ding hi.

Tedim Bible Revision 2017

¹⁶ Tua hileh na tangtung ding uh a, kulh muanhuai mahmah sungah a om bangin lungnuam takin na om ding uh hi. Annek tui dawn na kitasam kei ding uh hi.

Isaiah 33:16 Referans Kwoze

Isaiah 32:18

Ka mihingte pen kilem tak-a teen’na lungmuang tak-a omna inn, daii tak-a tawlngakna munah om ding uh hi.

Isaiah 49:10

Amaute gil kial lo, dangtak lo ding uh a, huihsa in hita leh nisa in hita leh amaute sukha lo ding hi, bang hang hiam cih leh amaute a hehpihpa in amaute lamkaih ding a, lui tui kiangah amaute paipih ding hi.

Paunak 1:33

ahi zongin, ka thugenna a ngaite in lungmuanna ngah ding a, launa nei loin nuam takin om ding uh hi,” a ci hi.

Habakkuk 3:19

Topa Pasian in keima thahatna ahi hi; sakhi khe bangin ka khe hong zaptelsak a, mun sangna ah, lungmuang takin hong paisak hi. (Bang hang hiam cih leh amah in khausai lasakna vante tawh tum theihte hong makaihpa ahi hi).

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

Paunak 18:10

Topa’ min in tausang muanhuai tawh kibang a, thuman mite in beelin lungmuangin om thei uh hi.

Late 111:5

Amah in amah zahtakte an pia a, ama thuciamna hong phawk tawntung hi.

Late 107:41

ahih hangin amah in thuakna sung panin a cimawhte laamto a, tuu honpite bangin amau innkuante pung sak hi.

Late 90:1

Topa aw, nangmah in khang tawntunga kote omna mun na hi hi.

Late 37:3

Topa muang in la gamtat hoih in; gam nuamah teeng in la thumanin om in.

Late 33:18

Amah a zahtakte, a itnakip sungah lametna a neite, sihna panin honkhia-in, kialpi hun sungin amaute a hin’ kep theih nadingin Topa’ mit amaute tungah om tawntung hi.

Late 18:33

Amah in sangaipi’ khe bangin keima khe bawl a, mun sangna-ah keimah hong koih hi.

Late 91:14

Amah in itna tawh kei hong bel ahih manin amah ka honkhia ding a, amah in ka min thei ahih manin mun sangna-ah amah ka koih ding hi.

Late 34:10

Humpinelkai khang laite in kisapna leh gilkialna thuak hi; ahih hangin Topa a zongte in na hoih a kisap uh om lo hi.

Late 15:1

Topa aw, na buk sungah kua om ding hiam? Na mual siangtho tungah kua teng ding hiam?

Mattiu 6:11

Tu ni-a ka khamkhop ding uh an hong pia in.

Paunak 10:9

Thuman mite lungnuamin om hithiat a, thuman lote kiman hi.

Isaiah 58:14

Keimah biakna hangin lungdamna na ngah ding uh a, leitang a sanna munte ah kong tungsak ding hi. Na pu uh Jakob tungah ka piak leitang luahin nuam na sa ding uh hi. Topa ahi keimah in hih thu ka gen khin hi,” a ci hi.

Jeremiah 37:21

Tua ahih manin kumpipa Zedekiah in kumpi thonginn sungah a kiat zawk nading thu pia a, khua sunga anlum a bei matengin anlum sai panin ni simin anlum khat ta a piasak den hi. Tua ahih manin kumpipa’ thong sungah Jeremiah a om suak hi.

Joel 3:16

Zion Mual panin Topa hong hawk suk a, Jerusalem panin hong awngkeek a, vanpi leh leipi liing damdam hi. Ahi zongin Topa in, ama mite’ belhpa hi a, Israel mite’ munmuanhuai ahi hi.

Thu-hilhkikna 33:29

Israel aw, mi nuamsa na hi hi. Nang hong kihuhna lum, leh na gualzawhna namsau ahi Topa in nang banga, a hotkhiat mi kua om ahi hiam? Na galte in hong mai-etin na kiangah hong pai ding uh a, amau’ pumpi na tuancil ding hi,” a ci hi.

1 KUMPI MASATE 19:6

Amah khuadak a, en in, ama lutang gei-ah suangsa tungah a ki-em moh khat leh tui hai khat na om hi. Amah in ne-in dawnin lum kik hi.

Late 62:7

Keima suahtakna leh ka minphatna Pasian’ hang ahi hi; a muan’huai ka suangpi, ka bukna in Pasian ahi hi.

Isaiah 30:20

Topa in note tungah cihmawhna leh gimna an hong piak hangin, na Siate uh kiseel nawn lo ding uh a, amaute na mit mahmah uh tawh na mu ding uh hi.