Isaiah 33:12 - Tedim Bible

¹² Leikang ngah nadingin suangkang kihal bangin na vui suak ding uh a, meikhuk sunga a kihaltum lingkungte na bang ding uh hi,” a ci hi.

Tedim Bible Revision 2017

¹² Leikang ngah nadingin suangkang a kihal bangin na vui suak ding uh a, meikhuk sunga a kihal tum lingkungte na bang ding uh hi,” a ci hi.

Isaiah 33:12 Referans Kwoze

Isaiah 27:4

Leenggui lo tungah ka heh nawn kei hi. Lingte leh lingkungte om hi leh keimah kuan khia-in tuate ka haltum ding hi.

Amos 2:1

Topa in hih bangin ci hi: Moab mite a khialh kikkik nilohna hangun, pel loin amaute daan ka tat ding hi. Bang hang hiam cih leh leiseek cian’na-a kizang leikang dingin, Edom kumpipa’ guhte hal uh hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Isaiah 10:17

Israel’ khuavak pen mei suakin, ama Siangtho Pa pen meikuang suak ding hi; ni khat sungin ama lingkungte leh lingte kang-in beitum ding hi.

Isaiah 9:18

Bang hang hiam cih leh gitlohna pen mei bangin kuang a, lingkungte leh lingte kangtum sak hi; gamlak lopa phate kuang sak a, meikhu lomtangin van lamah kizialto uh hi.

Late 118:12

Amaute in khuaipi bangin kei hong umcih uh a, lingkung meikang bangin amaute kuang uh hi; Topa’ vang tawh amaute ka sugawp hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote leh a meigong numeite uh tungah hehpihna nei lo hi; bang hang hiam cih leh mi khempeuh in Pasian’ thu khual loin siatna a bawl vive hi a, kam khempeuh in haina thu gen uh hi. Hih thute khempeuh hangin ama hehna dam zo nai lo a, ama khut kilamto lai hi.