Isaiah 33:11 - Tedim Bible

¹¹ Lopa keu na paii-a buhkung na suaksak hi. Na husan in nang hong kangtum mei ahi hi.

Tedim Bible Revision 2017

¹¹ Na geelnate uh a kimanna om lo a, na nasepnate uh a mawkna ahi hi. No le no a kisusia na hi uh hi.

Isaiah 33:11 Referans Kwoze

Isaiah 59:4

Kuamah in thutang tawh thu na nei kei uh a, thuman tak tawh kuamah thukhen zumah na pai kei uh hi; note in bangmah lopi suan’in nei-in zuau thu na gen uh a, siat nading thu ngaihsunin, gitlohna na piangsak uh hi.

Late 7:14

Migilo in thusia gai-in suak nuamin na a, zuauthu hing khia hi.

Jeim 1:15

Tua nung ciangin lunggulhna in gai-in mawhna a suak hi; mawhna in zong a kicin’ ciangin sihna a suak hi.

Sawltak 5:4

Tua lo, nangma khut sungah a om lai takin nangma neihsa hilo ahi hiam? Na zuak khit ciangin na ngah a man in nangma sum hilo ahi hiam? Bang dingin na lungsim sungah hih bang hanciam na hi hiam? Mi tung bek a, zuauthu gen na hi kei hi, Pasian tungah zuauthu gen na hi hi,” a ci hi.

Isaiah 26:18

kote in numei naupaii-in nausuak ding a, kithawi bang ka hi uh a, huih bek a hingkhia tawh ka kibang uh hi. Kote in leitung mite ading bangmah ka suakkhia sak kei uh a, leitunga teeng ding kuamah ka hingkhia kei uh hi.

Isaiah 17:13

Tui lianpi a ging bangin minamte awng uh hi, ahih hangin amah in amaute tai ding a, gamlapi-ah amaute taikhia ding uh hi; mual tunga huih mai-ah ansi leeng bang leh huihpi mai-a pingpei bangin amaute lengkhia mang ding uh hi.

Isaiah 5:24

Tua ahih ciangin, mei in buhkung keute kangtum a, meikuang sungah lopa keute a kattum bangin, amaute’ zung pen muatna hi ding a, amaute’ pak palhte pen leivui bangin van-ah leengto ding hi; bang hang hiam cih leh Vanglianpen Topa’ thu nialin, Israelte’ Siangtho Pa’ thu simmawh uh hi.

Isaiah 1:31

A thahat mipa pen patlom tawh kibang ding a, ama nasepna pen mei-ek suak ding hi; kuamah in phelh zo loin amaute gel kangtum khawm ding uh hi.

Late 2:1

Bang thu hangin minamte in siat nading ah kithukhat sim a, mite in a mawk nading sawmsim uh hiam?

JOB (Job) 15:35

Hih bang mite in siat nading bek ngaihsunin sem uh a, a lungsim uh ah khem ding bekbek ngaihsun uh hi,” a ci hi.

Late 7:15

Amah in gum to-in, ama tawhsa gum sung mah ah amah kia hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote leh a meigong numeite uh tungah hehpihna nei lo hi; bang hang hiam cih leh mi khempeuh in Pasian’ thu khual loin siatna a bawl vive hi a, kam khempeuh in haina thu gen uh hi. Hih thute khempeuh hangin ama hehna dam zo nai lo a, ama khut kilamto lai hi.