Isaiah 32:7 - Tedim Bible

⁷ Mi gina lote’ ginat lohna in sia hi; zuauna kam tawh mizawngte siasak leh mi cimawhte’ thu a thuman ciang nangawnin a siasak dingin amah in gitloh nasepna bawl hi.

Tedim Bible Revision 2017

⁷ Migina loʼ ginat lohna siahuai mahmah hi. Zuauna kam tawh mizawngte a siasak ding le mi cimawhteʼ thu a thuman ciang nangawnin a siasak dingin amah in gitloh nasepna a bawl hi.

Isaiah 32:7 Referans Kwoze

Isaiah 5:23

mimawhte sumgolh tawh khah a, midikte a mawhsakte in gimna ngah ta hen!

Mattiu 26:4

Zeisu bangci kheembawlin, a mat khit uh ciangin thatlum thei ding ci-in a vaihawm uh hi.

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Late 119:95

Migilote in keimah that dingin hong buk uh hi; ahih hangin na teci pan’na ke’n ka lungngaingai ding hi.

Isaiah 11:4

a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Isaiah 26:10

Mi gilote tungah na migit hangin a maanin gamtat ding thei thei tuan lo uh a, lungsim thutang mite’ gam sungah khialhna bawl lai veve uh hi. Amaute in Topa’ min liatna hong phawk nuam lo uh hi.

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Isaiah 59:15

Thuman om lo lua ahih manin siatna a pelh mipa pen mi hai-in kingaihsun zawsop hi. Topa in hih thu mu a, thutang om lo ahih manin amah a lungkim lo hi.

Daniel 12:10

Mi tampite kisiansuahin a hoih leh a hoih lo lam a kikhentel ding hi. Mi gilote in bangmah thei tel thei lo uh ahih manin a gi kei semsem ding uh hi. Ahih hangin mi pilte in theih tel theihna a nei ding uh hi.

Micah 2:1

A lupna tungah lumin gitlohna a geelgeelte in gimna ngah ta hen. Zingsang khua a vak ciangin, a hih theih ding hun a ngah phetun, a ngaihsutsa uh gitlohnate semkhia uh hi.