Isaiah 32:19 - Tedim Bible

¹⁹ (Tua ciangin gial in tulak kolh siangsak ding a, a khuapi pen cimzan ding hi.)

Tedim Bible Revision 2017

¹⁹ (Tua ciangin tulak kolh siang dinga, a khuapi pen cim zan ding hi.)

Isaiah 32:19 Referans Kwoze

Isaiah 28:17

Keimah in thutan’na pen khau khai bangin ka bawl ding a, thuman’na pen khaukhai sikbawk bangin ka bawl ding hi; gial in na zuau buk uh dengkhia ding a, tui in na bukna mun uh susia ding hi,” ci hi.

Isaiah 30:30

Topa in heh mahmahna leh a kangtum thei meikuang sung panin vanging leh huihpi leh gialpi tawh, ama liatna minthan’na aw kizasakin, ama khut a viik sukna kimusak ding hi.

Isaiah 28:2

En un, Topa in vanglian-in a hat mahmah mi khat nei hi; a susia huihpi gialpi, tuikhanglet leh a thahat huihpi bangin amah in leilak den’ gawp nading hi.

Isaiah 26:5

Bang hang hiam cih leh amah in a kiphasak mite niamkhiat hi. Amau’ teen’na khuapi muanhuai suksiat sak a, a kulhpite den’ khapsakin leivui suah hi.

Zekhariah 11:2

Taaksan kungte aw, kapin thuum un; taamtaak kungte pukkhin a, a minthang singkungte kisia ta hi. Bashan tawsaw kungte aw, kapin thuum un; gammang tupi sing teng kiphuk ta hi.

Mangmuhna 18:21

Tua lai takin a thahat vantungmi khat in a lian angawina suang tawh kibang suang khat la-in tuipi sungah a khiatsuk ciangin, “Babilon khuapi lian in hih bangin nakpi khiatsukna thuakin a nung ciangin cikmah hunin kimu zo nawn lo ding hi.

Mangmuhna 8:7

Khatna vantungmi in peengkul a mut leh, sisan tawh kihel gial leh mei leitungah kia-in, lei seh thum suah seh khat, sing seh thum suah seh khat leh lopa hing khempeuh a kangtum hi.

Mattiu 7:25

Guah tampi zu a, tui luang a, huih nung a, tua inn a mut ciangin, suang tungah kilam ahih maninah puk lo hi.

Nahum 1:8

Tuikhang in a suksiat bangin a langte susiagawp a, a galte, khuamial sungah nawhkhia hi.

Nahum 1:1

Hih in Nineveh khua tawh kisai thugenna hi a, Elkosh khuami Nahum’ mangmuhna a kiciamtehna lai ahi hi.

Isaiah 37:24

Nangmah in na nasempa zangin, Topa na zahko a, Lebanon mual dong pek, mual sangte tungah ka leeng tampite tawh ka pai khin hi; taamtak sing a sang pente, taksing hoih pente ka phuk khin hi; a sang pen mun, tulak a thuk penna munah ka paikhin hi.

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, mite’ teen’na mun pen kitaisan-in kinusia hi; tua lai-ah bawngno gamta-in, lum a, a hiangte kheuh hi.

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

Isaiah 24:10

Khuapi hawm suak pen kisiacip suk a, kuamah a tum theih loh nadingin inn khempeuh kikhakcip hi.

Isaiah 10:19

A om lai ama gamlak singkungte pen tawm mahmah a, naupang khat nangawn in khat khatin sim khin thei hi.

Isaiah 10:18

Gah tampi a piangsak ama leitang leh ama gamlak a minthan’na pen nuntakna leh pumpi dong takin Topa in susia khawm ding a, mi cina khat a bei tawh kibang ding hi.

Isaiah 24:12

Khuapi sungah gamkhin’na bek om a, kongpite kisat khamin kisia hi.

Isaiah 25:2

Bang hang hiam cih leh nang in khuapi pen ninbulomtang na suah a, a muanhuai khuapi a sia na suaksak hi; mi kiphasakte’ mun muanhuai pen khua hi nawn lo a, cik mah hunin kilam nawn lo ding hi.

Isaiah 29:4

Tua ciangin leithuk sung panin nang na pau ding a, a niamna mun leivui sung panin nangma kammal hong ging ding hi; nangma aw pen lei sung panin sikha’ aw bangin hong ging ding a, na thugenna pen lei sung panin hong phun suausuau ding hi.

Isaiah 10:33

En un, Topa, Vanglianpen Topa in a kihtak huai vangliatna tawh sing hiangte heuh ding hi; a kung sangte kiphuk ding a, a kisangsakte a niam-in kikoih ding hi.