Isaiah 32:18 - Tedim Bible

¹⁸ Ka mihingte pen kilem tak-a teen’na lungmuang tak-a omna inn, daii tak-a tawlngakna munah om ding uh hi.

Tedim Bible Revision 2017

¹⁸ Ka mihingte pen kilem takin a teenna, lungmuang takin a omna, daitakin a tawlngakna munah om ding uh hi.

Isaiah 32:18 Referans Kwoze

Zekhariah 2:5

Tua khuapi a hu dingin meikulh bangin Topa mahmah a om nading, leh tua khua sungah a minthan’na tawh a teen’ nading thu, Topa in kamciam zo hi, ci-in va gen in,” a ci hi.

Jeremiah 33:16

Tua ni ciangin Judah mite kihonkhia ding a, Israel mite lungmuang takin a teeng ding uh hi. Amah a kisap nadingin a min, Topa in eite’ Diktatna ahi hi, ci-in a kiphuak ding hi.

Hebru 4:9

Tua ahih ciangin Pasian’ mite ading Nipi ni nopsakna a om lai hi.

1 JOHAN MASA 4:16

Pasian in eite hong itna thu eite in thei-in i um zo hi. Pasian in itna ahi hi. Itna sungah a om mi in Pasian sungah a om hi. Pasian in zong tua mi sungah a om hi.

Zekhariah 2:8

Hih bangin mang ka muh khit ciangin, ama mite’ na a sut gawp minam dangte kiangah thu a gen dingin Vanglianpen Topa in kei hong sawl a, “Topa’ mite a su mi peuhpeuh in a mit nauta banga a na manpha pen khat a su ahi hi.

Isaiah 2:4

Amah in minamte khat leh khat kikal ah thukhenin, mi tampite’ thu khentat sak ding hi; amaute in a namsaute uh lo khawh na tu, a teipite uh singhiang heuhna temkawi-in seek ding uh hi; Minam khat leh minam khat kido nawn lo ding a, galdo dingin kithawi nawn lo ding uh hi.

Isaiah 11:10

Tua ni ciangin Jessi’ zung pen mihingte’ tungah lim khat hi ding hi; minamte in ama kiangah kikhawm ding uh a, ama tawlngakna mun pen minthang mahmah ding hi.

Isaiah 14:3

A haksa nasep hong kisep sakna, gimna, salsuahna leh lungkhamna panin Topa in note tungah tawldamna hong piak ciangin,

Isaiah 26:3

Topa aw, nang hong muang a, nangma tungah a lungsim kip mipa, lungnopna kicing na pia ding hi.

Isaiah 26:12

Topa aw, kote’ tungah daihna hong pia in. Kote’ matut zawhna khempeuh, nangma hong sepsakna hang ahi hi.

Isaiah 28:12

Topa in note tungah tawlngakna leh lungnopna hong pia napi-in! note in ama thu na ngai kei uh hi.

Isaiah 30:15

Bang hang hiam cih leh Israelte’ Siangtho Pa, alian Pasian in, “Kihei kikna leh khawlna bek tawh note in suahtakna na ngah ding uh hi; daii tak-a omna leh muanna in nomau’ thahatna hi ding hi,” a ci hi. Ahih hangin note na tuaci kei uh a,

Isaiah 65:9

Jakob sung panin Judah minamte thupha ka pia ding a, amau’ suan leh khakte in mualtung gam a luah ding uh hi. Keima na hong sem, keima teel mite, tua gamah teeng ding uh hi.

Isaiah 65:21

Amaute in inn lam ding uh a, a sungah teeng ding uh hi; amaute in leenggui lo bawl ding uh a, a gah ne ding uh hi.

Zekhariah 3:10

Tua ni ciangin note khempeuh in leenggui leh theikungte hau-in nuam na sa ding uh a, na veengte ciat un hong nekpihin hong lungdampih nadingun na sam ding uh hi, Vanglianpen Topa in ci hi,” a ci hi.

Paikhiatna 9:26

Israel mite a omna Goshen gam bekah gialpi kia lo hi.

Late 107:7

amau’ teen’ nading khuapi a tun’ matengun amah in lampi man-ah amaute paipih hi.

Paunak 24:15

Migilote’ gamtat bangin, thuman mite’ omna sugawp kei in la, amau’ teen’na inn luhgawp kei in.

Isaiah 33:6

amah pen nangma hunte a kipna, hohkhiatna a kicin’na, pilna leh theihna hi ding hi; Topa kihtakna pen ama sumgum hi ding hi.

Ezekiel 34:28

Gamdang mite in hih gawpgawp nawn lo ding uh a, gamsate in thatin ne nawn lo ding uh hi. Amaute lungmuang takin om ding uh a, kuamah in lausak nawn lo ding uh hi.