Isaiah 32:15 - Tedim Bible

¹⁵ Ahi zongin Pasian in a Kha Siangtho hong puakkik ding hi. Leitang siate lo hoih hong suakkik ding a, lo-a ante hoih mahmah-in tulak bang ding hi.

Tedim Bible Revision 2017

¹⁵ Ahi zongin Pasian in ama kha hong puak ding hi. Leitang siate leihoih suakkik dinga, lo-a ante hoih mahmah in tulak bang ding hi.

Isaiah 32:15 Referans Kwoze

Isaiah 29:17

Lebanon mual pen singno lo hoih suakin, singno lo hoihpen tulak a suahna ding hun tomno sung bek hilo ahi hiam?

Ezekiel 39:29

Israel mite tungah ka kha ka pia ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Luka 24:49

Pa’ thuciamna kong pia ding hi. Ahih hangin vantung pan vangliatna na ngah matengun, hih khua-ah na ngak lai un,” a ci hi.

2 KORIN NIHNA 3:8

Kha Siangtho tawh kipawl nasepna in vangliatna tawh a dimzaw ding hilo ahi hiam?

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Late 104:30

Nangmah in na hu na san’khiat ciangin amaute a kipiangsak hi a, nangmah in leitung na bawl thak hi.

Isaiah 63:11

Tua ciangin amaute in hun lui lai, ama nasem Moses’ hun phawk uh hi. Ama tuuhonte a cing tuucingpa, tuipi sung pan a, a paikhiatpih Topa koi-ah om ta ahi hiam? Amaute’ tungah a Kha Siangtho a piapa,

Isaiah 45:8

“Vantungte aw, tung lam panin thumanna zusak un la, vantungte in thumanna buasuk ta un. Hotkhiatna a po khiat theih nadingin leitang kihong sak un la, thumanna zong po khiato sak un; keimah Topa in hih thu ka bawl khin zo hi.

Paunak 1:23

Kong thuhilhna hong ngai un, ka ngaihsutna kong gen ding a, ka theihna kong zasak ding hi.

Isaiah 35:7

a sa mahmah sehnelte bualtui hong suak ding a, a keugaw leitang pen ciktui tawh hong kidim ding hi; ngiate’ omna ngei leitang pen nawngpi suakin, lopa, pumpeng leh mau po ding hi.

Late 107:35

Amah in sehnel gam pen bualtuite suaksak a, leitang keu pen ciktui suak sak hi.

Late 107:33

Amah in, a tung a teeng mihingte’ gitlohna hangin, gunte sehnel gam suak sakin, ciktuite leikeu suak sak a, an tampi a pian’na leitang pen ci lei suak sak hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Isaiah 28:6

thukhen a, a tupa tungah thutang lungsim guan ding a, khuapi kulh hong luh galte a notkhia mite tungah han’na lungsim guan ding hi.

Isaiah 59:21

Note tawh hih bangin thuciamna ka bawl hi: Nang tunga a om ka kha leh na kamsung a, ka koih keima thukhamte leh ka thuhilhnate note tungah kong pia khin a, tu-a kipanin a tawntungin note in tua thute zui-in na suan na khakte uh kam pan paikhia lo ding a, a khang khangin na maimangsak kei ding uh hi,” a ci hi.

Ezekiel 37:14

Note sungah keima kha kong guan ding a, note hong hingsak kikin, na gam uhah kong teengsak kik ding hi. Tua ciangin Topa ka hihna thu nong thei ding uh hi. Hih bangin kong hih nading thu ka kiciam zo a, ka kiciam bangin kong hih ding hi. Topa ahi keimah in hih thu ka gen khin zo hi, ci-in gen in,” hong ci hi.