Isaiah 32:1 - Tedim Bible

¹ En un, ni khat ni ciangin thumanna tawh kumpi khat hong maang ding a, thutan’na tawh uliante in hong uk ding uh hi.

Tedim Bible Revision 2017

¹ En un, ni khat ni ciangin thuman takin kumpi khat in hong uk dinga, uliante in thutang tawh hong uk ding uh hi.

Isaiah 32:1 Referans Kwoze

Mangmuhna 19:11

Tua khit ciangin vantung kihongin ka et leh, sakol kaang khat ka mu hi. Tua sakol tung tuang mi in Dikna leh Thuman kici hi. Tua mi in dik takin thu a khen thei, gal a do thei hi.

Jeremiah 33:15

Tua ni tua hun ciangin David’ suan lak panin kumpi dingin a diktat Hiang khat ka khangsak ding a, amah in gam sungah thuman thu tang tawh thu hong khen ding hi.

2 SAMUEL NIHNA 23:3

Israel Pasian kampau khin a, Israel Suangpi in kei kiangah hong ci khin hi: Mi khat in mite tungah thutang takin ukin Pasian zahtakna tawh a uk ciangin,

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

ROM (Romans) 5:21

Tua ahih ciangin mawhna in sihna a pian’sak mah bangin hehpihna in i Topa Zeisu Khazih hangin dikna piangsak a, nuntak tawntungna hong ngah sak hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Ezekiel 37:24

Ka nasempa David in amaute’ kumpi hi ding a, mi khat ukna nuai-ah amaute kigawmin, ka thukhamte hoih takin zui ding uh hi.

Isaiah 28:6

thukhen a, a tupa tungah thutang lungsim guan ding a, khuapi kulh hong luh galte a notkhia mite tungah han’na lungsim guan ding hi.

Isaiah 11:4

a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Late 99:4

Thutang a deih, Vanglian Kumpipa aw, nangmah in thuman na phut khin a, Jakob’ sungah thutang leh thuman na semkhia hi.

Late 45:1

Thubul hoih khat tawh keima lungsim hong dimlet-in, ka late kumpipa tungah ka sak a, ka leii in lai theipa’ laikung tawh kibang hi.

Isaiah 4:6

Tua pen, sun ciangin nisa liah ding leh huihpi guahpi panin bukna leh belhna hi ding hi.

Isaiah 11:5

Amah in dikna tawh a kawnggakin thumanna dial a kawng ah thuah ding hi.

Isaiah 16:5

itna kip tawh kumpi tokhom khat kiphut ding a, thuman sep ding a manlang, thutang zongin, thu a khen mipa pen David’ buk sunga tua tokhom tungah thuman tawh tu ding hi.”

Jeremiah 33:14

“En un, Topa in kong cih-inah: Israel mite leh Judah mite’ tunga ka khapsa ka tangtun’ sak hun hong tung ding hi.

Isaiah 33:5

A sangna munah teeng ahih manin Topa kipahtawi hi; amah in thutang leh dikna tawh Jerusalem dimsak ding hi;