Isaiah 30:6 - Tedim Bible

⁶ Negeb gam-a ganhingte tawh kisai thu: Amaute in, humpinelkai nu leh humpinelkai pa, gul gu nei leh a leengthei gulpi a omna, lungkhamna leh gimna gam nawk-in, amau’ hauhnate la nungzang leh amau sumte kalaoh thuvum tungah suanin amaute bangmah phattuamna a pia thei lo mite tungah puak uh hi.

Tedim Bible Revision 2017

⁶ Negeb gam a om ganhingte tawh kisai thu hih bangin gen hi: Amaute in humpinelkai nu le humpinelkai pa, gul gunei le a leeng thei gulpi a omna, lungkhamna le gimna gam nawkin, amauʼ hauhnate la nungzang ah amauʼ sumte kalaoh tungah suanin, amaute tungah phattuamna bangmah a pia thei lo mite tungah a puak uh hi.

Isaiah 30:6 Referans Kwoze

Thu-hilhkikna 8:15

a lian a lauhuai gamlakah gul gunei leh mom-ai lak leh tui om lohna lei keu-ah hong paipihpa, meisuang tawh a kibang suangpi panin tui hong piapa,

Jeremiah 11:4

Na pute na pate uh, sik haltuina meikhuk tawh a kiang Izipt gam pana ka lakkhiat ni-a ka thuciammna ahi hi. Tua ni-in, ka thu hong ngai a, kong thupiakna bangin na sep uh leh, note ka mi na hi ding uh a, keimah in note’ Pasian hi-in,

1 KUMPI MASATE 10:2

Amah nungzui honpi, a namtui nate a pua kalaohte, leh kham tampi, leh suang manpha tampi tawh Jerusalem ah hong pai hi; Solomon kiangah a tun’ ciangin amah in a lungsim a, om khempeuh Solomon tungah gen hi.

Thu-hilhkikna 4:20

Ahih hangin Topa in tu ni-a bangin sik meikhuk, Izipt panin ama neih mi dingin note hong la-in hong paikhiatpih khin hi.

Mattiu 12:42

Khang lam gam kumpinu in, a thukhen ciangin, tu-a khang mite lang khatah ding-in a mawhsak ding hi. Bang hang hiam na cih uh leh, amah in Solomon’ lungpilna thu ngai dingin, lei mong panin a pai hi. Hih lai takah Solomon sangin a lianzaw mi khat a om hi.”

Hosea 12:1

Israel mite, a nung kawikawi huih tawh kibangin, sun tha pai-a a nasepna uh a mawkna ahi hi. Zuauna leh siatna lamsang bekbek khangsak uh hi. Assiria tawh kipawlna bawl uh a, Izipt tawh kizopna nei uh hi.

Jeremiah 2:6

Amaute in, ‘Izipt gam panin eite hong paikhiatpih-a sehnel lak leh dum lak, leikeu lak leh a lauhuai khuamial bekbak lak, kuama’ pai ngei lohna mun, kuama’ teen’ lohna gamlak-ah a hong makaih Topa koi-ah a om hiam?’ ci beek lo uh hi.

Isaiah 57:9

Molek kiangah pai dingin sathau tawh khual na zin a, na paknamtuite tawh na siam tawpin na kipuah hi; nang in gamlapi-ah na kamtaite na sawl a, Leinuai dong nangawn ah na sawl hi.

Isaiah 19:4

Izipt mite pen a haksa kumpi khut sunga ka pia ding a, a kihtak huai a gilo kumpipa in amaute uk ding hi, Topa ahi Vanglianpen Topa in ci hi.

Isaiah 15:7

Tua ahih ciangin amaute in a ngahsa uh leh a kholsa uh na tampite pua-in Gialheek Lui-ah paipih uh hi.

Isaiah 8:22

amaute in lei lak a et suk hangun, lungkhamna leh khumialna, lungzing-a gimna bek om hi; khuamial ngeungau sungah amaute kihawlkhia ding hi.

2 KHANG TANGTHU NIHNATE 16:2

Tua ciangin Asa in Topa’ inn leh kumpipa’ inn-a van manpha koihnate panin ngun leh kham la-in, Damaskas-ah a teeng Siria kumpipa Benhadad kiangah tuate puakin,

2 KHANG TANGTHU NIHNATE 9:1

Tu-in Sheba kumpinu in Solomon’ minthan’na a zak ciangin thudotna haksate tawh amah a ze-et dingin Jerusalem ah hong pai a, nungzui honpite leh a namtui nate leh kham tampi leh suangmanphate a pua kalaohte hong keng hi. Solomon kiangah amah hong tun’ ciangin a lungsim-a om khempeuh ama tungah gen hi.

Thu-hilhkikna 17:16

Amah in ama aituam dingin sakolte tampi pha sak lo ding hi; Topa in no kiangah, ‘Hih lampi tawnin na kileh kik ngei kei ding uh hi,’ hong ci ahih manin, amah in sakolte tampi-in khangsak lo ding hi; Izipt gamah mite a paikik nading piangsak lo ding hi.

Paikhiatna 1:14

buan leh leiseek tawh a haksa nasepna leh lo sungah nasep namkim khempeuh tawh amau’ nuntakna haksasak uh hi; amaute’ sepna khempeuhah amaute in gim mahmahin semsak uh hi.

Piancilna 12:9

Abram in a khualzin zom lai a, Negeb gam lam manawhin pai lai hi.

Gamlak-vakna 21:8

Topa in Moses kiangah, “Gul gu-pha khat bawl in la, khuam khat tungah khai in; gul in a tuk mi peuhmah in tua gul a muh ciangin hing ding hi,” a ci hi.

Isaiah 5:30

Tua ni ciangin amaute in tuipi ging bangin Israel tungah ngik ding uh hi. Mi khatpeuh in leitang en leh, khuamialna leh lungzin’na bek om hi; meiite in khua mialsak hi.

Isaiah 14:29

“Filistia mite khempeuh aw, note hong kisatna ciangkhut a kitan manin lungdam kei un, bang hang hiam cih leh singbul panin a sel a om mah bangin gulpi a sih khit ciangin, a siahuai-zaw gul gunei hong om ding a, tuate pen a leng thei gulpi hong hi ding uh hi.

Isaiah 35:9

Tua lai-ah humpinelkai om lo ding a, sasialne ganhing khat peuhpeuh hong pai lo ding hi; tua lai-ah ganhing lauhuaite kimu lo ding hi. Topa’ tatkhiatsa mite in tua lampi tawnin hong ciah ding uh hi.

Ezekiel 20:46

“Ezekiel aw, Leitaw lam gam en in la, Leitaw lam gam siatna ding thu genin, Leitaw lam gam tulakte a siat nading thu genkhol in.

Micah 6:14

An na nek hangun na kham kei ding uh a, na gil uh kial lai veve ding hi. Nate na koihcing uh hangin phatuam lo ding hi. Galte in tua na koihcing uh nate susia veve ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

JOB (Job) 39:11

Nasem dingin a hat mahmah hangin, nangma’ na hong sepsak dingin lamen ngam na hi hiam?

Hosea 12:2

Topa in Judah mite a mawhsak nading a thu om hi. Jakob a gamtatna tawh kizui-in daan pia ding a, ama gamtatna bangin thukkik ding hi.

Zekhariah 6:6

Sakol vomte in a kaih leeng pen leilu lam Babilon gamah a pai ding hi a, sakol kangte nitumna lam, sakol gialte leitaw lam, sakol sante nisuahna lam gamah a pai ding ahi hi.