Isaiah 30:4 - Tedim Bible

⁴ Bang hang hiam cih leh amau’ uliante in Zoans khua-ah va tung a, amau’ tangmite in Hane khua a va phak uh hangin,

Tedim Bible Revision 2017

⁴ Bang hang hiam cih leh amauʼ uliante Zoan khua ah va tung uh a, amauʼ taangmite in Hanes khua a va phak uh hangin,

Isaiah 30:4 Referans Kwoze

Isaiah 19:11

Zoan uliante hai cihtakin hai uh a, Faro’ mipil thu lamlakte in thu haihuai gen uh hi Nang in Faro’ tungah, “Mi pilte khat ka hi a, tanglai kumpipite’ nungzui ka hi hi,” bang ci a, ci thei ding na hi hiam?

Jeremiah 43:7

Amaute in Topa’ thu mang lo uh a, Izipt gamah pai-in Tahpanhes khua a tung uh hi.

Isaiah 57:9

Molek kiangah pai dingin sathau tawh khual na zin a, na paknamtuite tawh na siam tawpin na kipuah hi; nang in gamlapi-ah na kamtaite na sawl a, Leinuai dong nangawn ah na sawl hi.

Hosea 7:16

Amaute, kei lam hong nga loin, Baal pasian lam nga tawntung uh hi. A khakna san ding a kha thei lo thal peu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Izipt mite in, amaute nuihsan lel ding uh hi.

Ezekiel 30:18

Izipt’ vangliatna ka suksiat ciangin Tahpanhes khuapi-ah khim zing ding a, a kisaktheihpihna teng uh bei ding hi. Izipt gamsung meiipi in khuhcip ding a, a mi khempeuh sal-in pai ding uh hi.

Ezekiel 30:14

Izipt gam khanglam Pathros gam teng gamkhing ka suaksak ding a, Izipt gam saklam-a om Zoan khuapi ka hal ding a, kumpi khua ahi Thebes, daan ka pia ding hi.

2 KUMPI NIHNATE 17:4

Ahih hangin Assiria kumpipa in Hoshea a zuautatna mu hi; bang hang hiam cih leh amah in Izipt kumpipa So kiangah kamtaite sawl a, a kum kumin a hih ngeisa bangin Assiria kumpipa tungah zong siah pia lo hi; tua ahih ciangin Assiria kumpipa in amah man a, thong sungah amah hencip hi.

Gamlak-vakna 13:22

Amaute Negeb lamah paito uh a, Hebron tung uh hi; Anak’ suan leh khakte ahi Ahiman mite, Sheshai mite leh Talmai mite, tua lai-ah na om uh hi. (Hebron pen Izipt gamah Zoan a kisat ma kum sagih lai-in kisat hi).

Late 78:12

Izipt gamsung, Zoan mun-ah, a pu a pate uh’ muhna-ah amah in nalamdang a bawl hi.

Jeremiah 49:14

Topa kiang pan thu ka za a, gam khempeuh ah thugen dingin mi khat kisawl hi: “Hong kikaikhawm un la, Edom gam sim dingin hong kithawi un!

Obadiah 1:1

Obadiah gen kholhna: Edom mite gam tawh kisai-in Topa Pasian in hih bangin a gen hi. Minamte lakah kamtai khat kisawl zo a, “Kithawi un! Edom mite do dingin kuankhia ni” a cihna thu ka za zo hi.