Isaiah 30:21 - Tedim Bible

²¹ Taklam na kihei ciang uh hita leh veilam na kihei ciang uh hita leh, “Hih pen lampi hi, hih tawn un,” cihna aw, na nung lam panun na bil un a za ding hi.

Tedim Bible Revision 2017

²¹ Tak lamah na kihei ciang uh ahi a, veilamah na kihei ciang uh ahi zongin, “Hih pen lampi hi, hih tawn un,” cihna aw, na nung lam panun na bil un a za ding hi.

Isaiah 30:21 Referans Kwoze

Late 32:8

Na paina ding lampi lakin kong hilh ding a, ka mit tawh hong enin thu kong hilh ding hi.

Isaiah 58:11

Tua ciangin note lam kong lak tawntung ding a, ni tangin a kap leitangah na kisapnate uh kong lungkim sak ding hi. A cidam a thahatin kong om sak ding hi. Tui tampi a ngah tawntung huan, a kang ngei lo ciktui tawh na kibang ding uh hi.

Thu-hilhkikna 5:32

Tua ahih ciangin Topa na Pasian un note hong thupiak bangin na gamtat ding uh na kingaihsun ding uh hi; ama thu panin taklam hita leh vei lamah hita leh na pial kei ding uh hi.

Isaiah 42:16

Amau’ theih loh lampi ah mittawte ka paipih ding a, amau’ theih ngei loh sul zuihpih-in ka kha ding hi. Amau’ mai-ah khuamial pen khuavak suaksakin, a phokna munte a tam-in ka bawl ding hi. Hihte pen keima hih ding nate hi a, tuate sem loin ka nusia kei ding hi.

Jeremiah 6:16

Topa in mite tungah, “Lamka bomah ding un la, khuadak un. Lam hoih ahi, lampi luite dong un la, tawn un. Na kha uh ading tawldamna na mu ding uh hi,” a ci hi. Ahih hangin amau in, “Ka tawn kei ding uh hi,” a ci uh hi.

Isaiah 48:17

Israelte’ Siangtho Pa, nangmah hong Tan, Topa in: Keimah in, phattuamna na ngah nading a, a hong hilh, na zuih ding a, kilawm lampi-ah a hong paipih Topa na Pasian ka hi hi.

Joshua 1:7

Thahat-in hang in la, ka nasempa Moses in nang hong piak thukhamte khempeuh tawh kizui-in na gamtat ding lim takin ngaihsun in; na paina peuhah hoih takin na lamzan’ theihna dingin tak lamah ahi a, vei lamah ahi zongin pial kei in.

Paunak 4:27

Siatna peelin a maanin gamta in la, thuman lampi panin themcik zong pial kha kei in.

Isaiah 29:24

Kha lamah a pialkhia mite in thu theitel ta ding uh a, a phunphun mite in thuhilhna ngai ta ding uh hi.”

2 KUMPI NIHNATE 22:2

Amah in Topa’ mit-ah a man gamta-in, a pu David’ khekhap khempeuh zui cinten a, tak lamah ahi a, vei lamah ahi zongin pial lo hi.

Joshua 23:6

Tua ahih ciangin note lakah a om lai hih minamte tawh kihel loin, amau’ pasiante zong gen loin, tuate tawh zong kiciam loin, amau’ na sem loin, amaute mai-ah zong note kun loin, ahih hangin tu ni-a na gamtat bangun Topa na Pasian uh na belh theih nadingun Moses’ thukham laibu sunga kigelhte khempeuh zui-in semin, tua panin tak lamah hita leh vei lamah hita leh pial loin na om nadingun khauh takin om un.

1 JOHAN MASA 2:27

Note na hih uh leh, ama khut pan na ngah uh Kha Siangtho sathau nilhna in note sungah kipin a om a, kuamah in note thu hong hilh ding na kisam kei uh hi. Ama’ Kha Siangtho sathau nilhna in note na khempeuh hong hilh a, tua Kha Siangtho sathau nilhna in thuman thutak hi a, thuzuau hi lo ahih ciangin note hong hilh mah bangin ama sungah kipin na om un.

1 JOHAN MASA 2:20

Note in Siangtho Pa’ Kha Siangtho sathau nilhsa na hi uh a, na khempeuh na thei uh hi.

1 SAMUEL MASA 12:23

Tua tham loin kei zong, note adingin Topa tungah thunget lohna tawh ka na khial het kei ding hi; keimah in a hoih a man lampite note kong hilh ding hi.