Isaiah 30:16 - Tedim Bible

¹⁶ “Hi lo! Sakol tungah manlang takin i tai ding hi,” ci na hih uh ciangin note na taikhia ding uh a; “Sakol zaptel tungah i tuang ding hi,” ci na hih uh ciangin note hong delh mite zong zaptel ding hi.

Tedim Bible Revision 2017

¹⁶ “Hi lo! Sakol tung tuangin manlang takin i tai ding hi,” ci na hih uh ciangin note na tai khia ding uh hi. “Sakol zaptel tungah i tuang ding hi,” ci na hih uh ciangin note hong delh mite zong zaptel ding hi.

Isaiah 30:16 Referans Kwoze

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Isaiah 31:3

Izipt mite mihing hi a, Pasian hilo hi; amau’ sakolte in sa hi a, kha hilo hi. Topa in a khut a zan ciangin a huhpa puk-in, huhna a ngahpa tuk ding a, amaute khempeuh siakhawm ding uh hi.

Habakkuk 1:8

A sakolte uh, kamkei sangin tai hatzaw a, keivom gilkial sangin kihtakhuai zaw hi. Gamlapi pek panin a sakol tung tuangte hong kipan uh a, a sakolte un lei-ah a khe phut uh hi. Muvanlai in sa a bawh bangin, a galte len’lak uh hi.

Micah 1:13

Lakhish khua-a teeng mite aw, na sakol galkapte uh a leng bulh pak un. Note in Zion tanute’ khialhna teng zui kha na hih manun, Jerusalem zong a khialsakte na hi uh hi.

Amos 9:1

Biaknatau gei-ah Topa a ding ka mu a, hih bangin thu a pia hi: “Biakinn lim khempeuh a kilin’ theih nadingin biakinn khuampi luzang satgawp in. Tuate satkham in la mite’ luzang tusak in. Tua lai panin a suakta kha teng, gal sungah ka sisak ding hi. A taikhia, a suakta, kuamah om lo ding hi.

Kah la 4:19

Mu ak bawh sanga manlang zawin, amaute in a hong delh uh hi. Amaute in mualtung panin hong nawhsuk uh a, theihkholh lohin a hong man khin uh hi.

Jeremiah 52:7

Tua ciangin khua kulhpi kiphutlet a, khuapi kimkotah Khaldea mite om napi-in, galkapte in zan laitak-in kumpipa’ huan gei-a kulh tegel kikal-a kongpi tawnin a taikhia sim uh a, Arabah leizang lam a manawh uh hi.

Jeremiah 4:13

En un, i galpa meii bangin hong pai a, a sakol leengte pingpei tawh kibangin, a sakolte muvanlaite sangin manlang zaw hi. Gimna i thuak ding hi, bang hang hiam cih leh gallel ding i hi ta hi.

Late 147:10

Ama lungkimna leh amah in nuam a sak nate pen sakol thahatna leh galhangte’ hang hi lo hi.

Late 33:17

Sakol galkap in gualzawh nadingin a mawkna lametna hi a, ama hatna tawh hon zo lo hi.

Thu-hilhkikna 28:49

-

Thu-hilhkikna 28:25

“Topa in na galte uh mai-ah note hong lel sak ding hi; amaute do dingin lam khatah na kuan ding uh a, amau mai-ah lam sagih ah na taikeek ding uh hi; leitung kumpi gamte khempeuh muhna ah note in a cikzet-huai na hi ding uh hi.

2 KUMPI NIHNATE 25:5

Ahih hangin Khaldea mite’ galkapte in kumpipa delh uh a, Jerikho zanglei-ah amah pha uh hi; tua ciangin a galkap khempeuh ama kiang panin kithehthang uh hi.

Isaiah 2:7

Amau gam in ngun leh kham tawh kidim a, amau sumte in bei hun cih nei lo hi; amau gam in sakolte tawh kidim a, amau leengte in bei hun cih nei lo hi.

Jeremiah 39:4

Judah kumpipa Zedekiah leh galkap khempeuh in amaute a muh uh ciangin a tai sim uh hi. Zan laitakin kumpipa’ huan sung tawnin kulh tegel kikal-a kongpi kan tan-in khuapi sung pan a paikhia uh a, Arabah leizang lam a manawh uh hi.

Jeremiah 46:6

A manlang pente zong paikhia thei tuan lo uh a, galkapte zong suakta lo uh hi. Leilu lam Eufrates gun geiah, hoi-in a tuk uh hi.

JOB (Job) 39:11

Nasem dingin a hat mahmah hangin, nangma’ na hong sepsak dingin lamen ngam na hi hiam?