Isaiah 30:10 - Tedim Bible

¹⁰ amaute in thu mutheite tungah, “Mu nawn kei un,” ci-in, kamsangte tungah “Kote’ tungah thuman hong gen kei un; kote’ tungah thuzol bek hong gen un la, thutak ahi lote genkhol un,

Tedim Bible Revision 2017

¹⁰ Amaute in thu mu theite tungah, “Mu kei un,” ci uh a, kamsangte tungah, “Koteʼ tungah thuman hong gen kei un. Kote tungah thuzol bek hong gen unla, thutak ahi lote hong gen un.

Isaiah 30:10 Referans Kwoze

ROM (Romans) 16:18

Bang hang hiam na cih uh leh, eite Topa Khazih’ na sem loin amau gilpi na bek a sem uh a, kamsiam leh kamzol tawh a pha mite a kheem thei uh hi.

Amos 7:13

Hih lai in kumpipa’ biakna mun, minam bup biakinn ahih manin, Bethel-ah thu hong gen nawn kei in,” a ci hi.

Amos 2:12

Ahi zongin note in Nazir mite, leenggahzu na dawnsak uh a, kamsangte in ka thu a genloh nadingun thu na pia uh hi.

Jeremiah 11:21

Tua ahih manin hong that nuam a, “Topa’ min tawh thu hilh kei in. Na hilh leh kote’ khutlum-in na si ding hi,” a hong ci Anathoth khua mite tawh kisai-in

Mangmuhna 11:7

Amaute in a teci pan’na a zawh khit uh ciangin kuam thukpi sung pan hong kahto sahang in amau doin zoin a that ding hi.

Jeremiah 23:17

Keimah Topa’ thu genna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Micah 2:6

Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” ci uh hi.

1 KUMPI MASATE 22:27

tua ciangin, ‘Kumpipa in hih bangin ci hi, “Hih mipa thong sungah koih un la, lungnuamin kei kong ciahkik matengin an leh tui tawmno cik bek tawh vaak un,” ci hi,” va ci un,” a ci hi.

1 KUMPI MASATE 21:20

Ahab in Elijah kiangah, “Ka galpa aw, kei hong mu na hi hiam?” a ci hi. Amah in dawngin, “Topa muhna ah a sia gamta dingin nangmah kipia tawm na hih manin nangmah kong mu hi.

Galati 4:16

Tua ahih leh, keimah in thuman thutak note kiangah ka hong gen ciangin note’ gal suak ka hi hiam?

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

Sawltak 4:17

Ahih hangin mite lakah a kizelh semsem loh nadingin tu nung ciangin tua min tawh kuama kiangah thu hilh nawn lo dingin amaute tawngin thu pia ni,” ci-in khat le khat a kikum uh hi.

Johan 8:45

Thuman thutak ka gen ciangin ka thu na um kei uh hi.

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.

Jeremiah 38:4

Tua ciangin kumpipa’ uliante in kumpipa’ kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sunga a om lai galkapte leh mi khempeuhte lungkia sakin thazaw sak hi. Hih mipa in i gam mite’ phattuam nading zong loin a gim ngah nading uh a zong zaw hi,” a ci uh hi.

Jeremiah 29:27

Bang hangin note’ kiang a, thu hong hilh Anathoth khuami Jeremiah taai lo na hi hiam?

Jeremiah 26:11

Tua ciangin siampite leh kamsangte in kumpi uliante leh mi khempeuhte’ kiangah, “Note in na bil uh tawh na zak ciat uh mah bangin hihpa in hih khuapi langpan’in thu hilh ahih manin sihdaan piak tuak hi,” a ci uh hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

2 KHANG TANGTHU NIHNATE 25:16

Ahih hangin amah in thu a gen lai takin kumpipa in ama kiangah, “Kumpi tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin, “Nangmah in hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

2 KHANG TANGTHU NIHNATE 16:10

Tua ciangin thu-mupa tungah Asa heh a, amah kol bulhin thong sungah koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh gimsak hi.

2 TIMOTI NIHNA 4:3

Bang hang hiam cih leh, mite in thu hilhna pha mang loin, a bil uh thakin, amau deihgawhna bang thuhilh a tampi, amau ading a koih ding uh a,

2 TIMOTI NIHNA 4:4

thuman thutak ngai loin, tangthu ngai-in a paikhiat hun uh a tung ding hi.

1 SAMUEL MASA 9:9

(Tua ma lai-in Israelte sungah mi khat in Pasian kiangah thu dong dingin a pai ciangin amah in, “Hong pai in, thu-mu-pa kiangah pai ni,” a ci hi; bang hang hiam cih leh tuhun-a kamsang i cihte tua ma-in thu-mu-pa kici hi).

Isaiah 5:20

A phate sia ci-in, a siate pha ci a, khuavak dingin khuamial koihin, khuamial dingin khuavak koih a, a khum dingin a kha koihin, a kha dingin a khum a koihte in gimna ngah ta hen!

Isaiah 29:10

Bang hang hiam cih leh Topa in note tungah nakpi ihmut nopna lungsim hong guang a, nomau’ mit ahi kamsangte mitsi sak-in, nomau’ lutang ahi thu mutheite khuhcip hi.

Jeremiah 36:29

Judah kumpipa Jehoiakim’ thu tawh kisai-in hih bangin ama’ kiangah va gen in: ‘Topa in hong gen-inah, Nangmah in, “Jeremiah aw, bang hangin Babilon kumpipa hong pai taktak-in hih gam hong susia ding a, mihing leh ganhing a teeng sak nawn kei ding hi, ci-in hih lai sungah gelh na hi hiam?” ci-in na gen-a tua laizial na haltum hi.

JOB (Job) 41:3

Amah in na khah ding hong thuum ding a, na hehpih ding hong ngen ding ahi hiam?

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i nei zo hi; a tuumcip ding tuiciin in hong nawk ciangin ei hong ban lo ding hi; bang hang hiam cih leh zuau thu i beel a, zuauna ah i bu hi,” na ci uh hi.