Isaiah 3:9 - Tedim Bible

⁹ Amau’ maiput in amau langah teci pang hi; Sodom bangin amaute in a mawhna uh genkhia uh hi, amaute in iim lo uh hi. Amaute in gimna ngah ta hen! Bang hang hiam cih leh amaute in amau tung mah ah siatna kitun’ uh hi.

Tedim Bible Revision 2017

⁹ Amauʼ maipuak in amauʼ langah teci pang hi. Sodom bangin amaute a langtangin gamta uh a, amaute in im lo uh hi. Amaute in gimna ngah tahen! Bang hang hiam cih leh amaute in amauʼ tung mahah siatna kitun uh hi.

Isaiah 3:9 Referans Kwoze

Piancilna 13:13

Tu-in Sodom mite mi gilo uh a, Topa’ tungah nakpi tak-a a khialte ahi uh hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh hi, kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi,” Topa in hong ci hi.

ROM (Romans) 6:23

Bang hang hiam na cih uh leh, sihna in mawhna’ thaman ahi hi. Ahih hangin i Topa Khazih Zeisu hanga nuntak tawntungna in man kipia lo Pasian’ letsong ahi hi.

Ezekiel 23:16

Amah in tua limte a muh phetin amaute lunggulh mahmah pah a, a sam dingin Babilon gamah kamtai paisak pah hi.

Kah la 5:16

Kisak theih nading bang mah om nawn lo-a, mawh i hih manin gimna i thuak hi.

Jeremiah 3:3

Tua hang mah-in guahtui kikang sak a, guah nunung hong zu lo hi; ahih hangin numei paktatte bang hi napi-in, na zum thei kei lailai hi.

Isaiah 3:16

Topa in hih bangin ci hi: Jerusalem numeite kiphasakin ngawng doksa-in lam pai a, kiphatsakna tawh a mit uh hei pampam-in hi tuihtuihsa-in pai uh a, a khe uh tawh gingsak sualsual ahih uh ciangin;

Paunak 30:13

Mihoih pha mahmah-a a kingaihsun, a kiliansak mi pawlkhat om hi.

Paunak 8:36

Ahi zongin kei hong mu lopa in amahmah a kisusia hi a, kei hong mudah peuhmah, a si nuam ahi hi,” hong ci hi.

Late 10:4

Migilo in kiphatsakna maisuah tawh amah zong lo a, ama ngaihsutna khempeuh ah, “Pasian om kei,” ci hi.

2 KUMPI NIHNATE 9:30

Jezre-el ah Jehu hong tun’ ciangin Jezebel in a thu za hi; amah in a mitte zutin a lutang zeem a, kongvangneu ah khuadak hi.

1 SAMUEL MASA 15:32

Tua ciangin Samuel in, “Amalekte’ kumpi Agag hih lai ka kiangah hong paipih in,” a ci hi. Tua ciangin Agag launa liin’na tawh ama kiangah hong pai hi. Agag in, “Sih ding lungkhamna hong tung taktak ta hi,” a ci hi.

Hosea 13:9

No Israelte kong sugawp ding hi. Kua in note hong huh zo ding ahi hiam?

Daniel 7:20

Tua ciangin a lutanga ki sawm leh, a nung ciangin ki khat hong po-a, ki thum a kitanna thu ka thei nuam hi. Amah in mittang leh kiphatsakna kam sia pau na’ng kam a nei hi. A dangte sangin nakpi takin a kihtak huaizaw hi.

Mangmuhna 11:8

Amaute luangte zong a Topa uh singlamteh tungah a sihna khuapi ahi, a khiatna in Sodom leh Izipt a kici khuapi sungah a om lampi tungah a om uh a,

Piancilna 4:5

ahih hangin Kain leh ama piakna thusim lo hi. Tua ahih ciangin Kain heh mahmah a, a mai sia hi.

Paunak 15:32

Kithuhilh ding a ut lote amahmah a kisusia hi a, kithuhilh ding a utte pil semsem hi.

Isaiah 1:10

Sodom a uk mangte aw, Topa’ thu za un! No Gomorrah mite aw, i Pasian’ hilhna ngai un!

Isaiah 57:20

Ahih hangin mi gilote pen a kilok tuipi tawh kibang uh hi; bang hang hiam cih leh tuipi khawlcip thei lo a, a tuite in buan leh ninte laamto uh hi.

Isaiah 59:12

Bang hang hiam cih leh nangma tungah kote’ thu-palsatnate tampi pha a, ka mawhnate uh in kote’ langah teci hong pang hi; kote’ thu-palsatnate, ka mawhnate uh ka thei uh hi.

Jeremiah 2:19

Na gitlohna mah in nangmah hong thu hilh ding-a, na thu up nawn lohna in nangmah hong mawhsak ding hi. Topa na Pasian nong nusiat ciang, kei nong kihtak nawn loh ciangin, nuam hetlo-a kha keei hi, cih thu thei in la, mu in, a vanglian Topa Pasian in kong ci hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh hi; kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi, Topa in kong ci hi.

Ezekiel 16:30

“Topa Pasian in hih bangin ci hi: A bangci lawmlawm na hi hiam? Zumna mel thei loin hih bangin na paktat hi.

Ezekiel 16:49

Na sanggamnu’ mawhna in: Amah leh a tanute in nek ding tampi nei-in nuamsa mahmahin dai takin om uh ahih manin amaute kiphasak uh a, a zawng a cimawhte don lo uh hi.

Piancilna 19:34

A zing ciangin a u in a nau tungah, “En in, zan zan-in i pa tawh ka lum hi; tu nitakin zong amah leenggahzu khamsak ni; tua ciangin nang pai in la, i pa tawh suan-le-khak i kizopsak theih nadingin amah tawh lum khawm in,” ci hi.

Hosea 5:5

Israelte’ kiphatsakna in amau mah’ siat nading ahi hi. Amau’ mawhna in amaute puksak ding a, Judah mite in zong pukpih ding uh hi.