Isaiah 3:8 - Tedim Bible

⁸ Bang hang hiam cih leh, amau kampaute leh amau gamtatnate in Topa langpangin, a minthang ama omna dem uh ahih manin, Jerusalem khua kipukin, Judah gam kia hi.

Tedim Bible Revision 2017

⁸ Bang hang hiam cih leh amaute khempeuh le amauʼ gamtatnate in Topa langpangin amah dem uh ahih manin Jerusalem khua kipukin Judah gam kia hi.

Isaiah 3:8 Referans Kwoze

1 KORIN MASA 10:22

Ahih kei leh, Topa’ heh nadingin phin ding i hi hiam? Amah sangin hatzaw i hi hiam?

Hosea 7:16

Amaute, kei lam hong nga loin, Baal pasian lam nga tawntung uh hi. A khakna san ding a kha thei lo thal peu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Izipt mite in, amaute nuihsan lel ding uh hi.

Juda 1:15

Pasian’ thu a deih lo mi khempeuh in Pasian deih loh a bawlna uh na khempeuh akipan Pasian’ thu a deih loh uh mawhna a neite in, Topa tungah gensiatna kam khempeuh a kilangsak ding ahi zongin, Topa in a kisim zo lo misiangthote tawh hong paikhawm ding hi,” ci-in a genkhol hi.

Habakkuk 1:13

Ahi zongin hih a gilo zuautat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin, amaute sangin a dikzaw mite a suksiatna-ah, bang hangin daicip na hi hiam?

Micah 3:12

Tua ahih manin note hangin, lo khawh bangin Zion kikho-in, Jerusalem, nin kipaihna phualpi suak ding a, biakinn omna mual, gamlak suak ding hi.

Ezekiel 9:9

Tua ciangin amah in hong dawng a, “Israel mite leh Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Ezekiel 8:12

Tua ciangin amah in, “Ezekiel aw, Israel mite in a kimu lo mun-a a gamtatnate uh tu-in na mu hiam? Amaute in milim a dimna inn sungah biakna bawl uh hi. Amaute in, ‘Topa in hong mu lo hi. Topa in hih gam nusia khin ta hi,’ ci-in paulap zong uh hi,” hong ci hi.

Jeremiah 26:18

“Judah kumpipa Hezekiah a maan’ laitakin Moresheth khuami Mikah in Judah mi khempeuhte’ kiangah: ‘Lo dingin Zion mual a kikho ding hi; Jerusalem khua a kisiazan ding a, biakinn mual in gamlak a suak ding hi, ci-in a vanglian Topa in a gen hi,’ a ci hi.

Jeremiah 26:6

hih biakinnpi Shiloh khua ka bawl bangin ka bawl ding a, hih khuapi leitung gam khempeuhte’ kihaamsiatna-in ka zangsak ding hi,’ na ci ding hi,” a ci hi.

Isaiah 57:4

Note in kua mawlpih gawpgawp na hi uh hiam? Kua’ tungah na kam uh ka beba-in na leii uh phen na hi uh hiam? Tawsaw kung lak, singkung hing khempeuh nuai-ah pasian biakna-in nu-le-pa mawhna a bawl, kuam sung, suanghawm nuaite-ah a tate uh a that note pen, khialhna’ tate, zuauna’ tu-le-tate hilo na hi uh hiam?

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote leh a meigong numeite uh tungah hehpihna nei lo hi; bang hang hiam cih leh mi khempeuh in Pasian’ thu khual loin siatna a bawl vive hi a, kam khempeuh in haina thu gen uh hi. Hih thute khempeuh hangin ama hehna dam zo nai lo a, ama khut kilamto lai hi.

Isaiah 1:7

Na gam uh khing a, na khuapite uh mei tawh kihal hi; na muh tangpi mahun gamdang mite in na gam uh hong laksak a, theih ngei lohte’ lotthal bangin na khempeuh susia gawp uh hi.

2 KHANG TANGTHU NIHNATE 33:11

Tua ciangin Topa in Assiria kumpipa’ galkap ukte amau kiangah paipih a, amaute in sikkawite tawh Manasseh manin sumngo khau tawh khihin Babilon ah paipih uh hi.

2 KHANG TANGTHU NIHNATE 28:18

Tua ciangin Filistiate in Shefelah leh Judahte’ Negeb gam sung khuapite luh uh a, Bethshemesh, Aijalon, Gederoh, Soko a khuaneute tawh, Timnah a khuaneute tawh, leh Gimzo a khuaneute tawh la hi; tua ciangin amaute tua lai munah teeng uh hi.

Isaiah 6:11

Tua ciangin keimah in “Topa aw, bang tanvei sawt ding ahi hiam?” ka ci hi. Amah in, khuapite-ah a teeng kuamah om loin hawm suakin, innte ah kuamah om loin kinusia a, leitang pen gamkhing suak kiuhkeuhin,

Isaiah 49:19

“A kisia, a kinusia nangma munte leh a kisusia nangma gamte in, nangma tunga a teeng mite’ adingin kawcik lua taktak ding a, nang hong valhtum mite pen gamlapi-ah om ding uh hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh nin hi; na mukte un zuau thu gen a, na leii un gitlohna thu gen hi.

Jeremiah 4:13

En un, i galpa meii bangin hong pai a, a sakol leengte pingpei tawh kibangin, a sakolte muvanlaite sangin manlang zaw hi. Gimna i thuak ding hi, bang hang hiam cih leh gallel ding i hi ta hi.

Jeremiah 44:3

Bang hang hiam cih leh amaute in ka heh nadingin gitlohna bawl uh a, amaute-a kipan note leh na pute na pate un a theih ngei loh uh pasiante’ na semin paknamtui hal-in a bia uh hi.

Kah la 1:9

A kihhuaina teng kimu khia pah hi napi, gimna thuak ding ahih lam bang mah a awlmawh thei tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Micah 6:12

Na mi haute uh mi zawngte tungah tatsia mahmah in, na khua sung mi khempeuh uh zuau gen vive hi uh a, a kam un khemna thu bekbek gen hi.

Paunak 26:27

Mi siahna-in gum a tote, ama gum tawhna sung mah-ah amah leh kiat zawsop a, mi a deng kha dinga suang a khukte, ama suang khuk mah in amah leh khak zaw hi.

Jeremiah 23:36

‘Topa’ thugen in vangik khat ahi hi,’ ci-in a gen nawn kei ding uh hi. Bang hang hiam na cih uh leh note’ thu genna note’ vangik ding ahi zaw hi. Note in eite’ Pasian ahi a nungta Pasian, a vanglian Topa’ thu gennate na lumlet gawp uh hi.

Hosea 5:5

Israelte’ kiphatsakna in amau mah’ siat nading ahi hi. Amau’ mawhna in amaute puksak ding a, Judah mite in zong pukpih ding uh hi.