Isaiah 3:7 - Tedim Bible

⁷ amah in: “Kei in a damsakpa ka hi kei ding hi; ka inn sungah an leh puan om lo hi; mite a makai-in nong bawl kei ding hi,” ci-in genkhia ding hi.

Tedim Bible Revision 2017

⁷ “Bangmah hih zo kei ning. Ka inn sungah an le puan om lo hi. Mite a makai-in nong bawl kei ding hi,” ci-in a gen khia ding hi.

Isaiah 3:7 Referans Kwoze

Hosea 5:13

Israel in ama ci natna kithei a, Judah in ama liamna a muh ciangin, kumpi lianpa kiangah huh ngen dingin Assiria gamah Israel va pai hi. Ahi zongin amah in amau’ natna na damsak thei lo a, a liamna uh zong na damsak thei tuan lo hi.

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Ezekiel 34:4

Tuu zawngkhalte na khoi kei uh a, a cinate na damsak kei uh a, a liammate na tuamsak kei uh a, a lam pialte na khiang kei uh a, a mangte na zong kei uh hi. Na tuaci bawl gen loh uh, ngong bawlin na uk gawp zaw sop uh hi.

Kah la 2:13

Ka it Jerusalem khuapi aw, bang ci ding ka hi hiam? Bang hong ci hehnep thei ding ka hi hiam? Nang thuak banga thuak kuamah a om kei hi. Na tuahsiatna in tuipi cia pha a, a lamet huai bangmah a om nawn kei hi.

Jeremiah 14:19

Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.

Isaiah 58:12

Tang lai-a a kisia na munte uh na lamkik ding uh a, khang tampi sung a kisia bulpite na dingtosak kik ding uh hi; note pen, kulhsia a puahkik, teen’ nadingin mun siate a ngei a bangsak kikte hong kici ding hi.

Thu-hilhkikna 32:40

Bang hang hiam cih leh vantung lamah ka khutte laamto-in ka kiciam a, Keimah in a nungta tawntung ka hih mah bangin,

Piancilna 14:22

Ahih hangin Abram in Sodom kumpipa' kiangah, “Vantung leh leitung a bawl, Sang Pen Topa Pasian' tungah ka kiciam khin zo hi,

Joel 1:16

Eima mit muh mahmahin lo ante kisusia a, eite’ Pasian’ inn sungah lungdamna bei ta hi.