Isaiah 3:5 - Tedim Bible

⁵ Mite khat leh khat, mi khempeuh in a lawmte ciat, mi khempeuh in a veengte ciat, kinencip gawp ding uh hi; khangnote pen uhamte tungah, migina lote pen miliante tungah kiphasak ding uh hi.

Tedim Bible Revision 2017

⁵ Mite khatlekhat, mi khempeuh in a lawmte ciat, mi khempeuh in a veengte ciat, hih gawp ding uh hi. Khangnote pen uhamte tungah, migina lote pen mi liante tungah kiphasak ding uh hi.

Isaiah 3:5 Referans Kwoze

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Jeim 2:6

Note na hih uh leh, mizawngte na thudon kei uh hi. Sum haute in note hong bawlsia uh a, thukhenna tokhom mai-ah hong kai uh hilo ahi hiam?

Luka 22:64

A maitang a tuam khit uh ciangin, “Nang kua in hong beeng hiam? Kamsangte bangin hong gen in,” a ci uh hi.

Marka 14:65

Tua lai takin kimkhatte in Zeisu cil tawh phih uh a, a maitang tuamin a khut uh tawh a tum uh hi. “Pasian’ kamsangte bangin hong hilh in,” a ci uh hi. Palikte in khut tawh pang betin a paipih uh hi.

Mattiu 26:67

Tua lai takin amau in Zeisu’ maitang cil tawh phih uh a, khut tumin a tum uh hi. Kimkhat in khutpeek-in a beeng uh hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Ezekiel 22:12

Pawlkhat in sum deih manin mi that uh hi. Pawl khatte in a Israel mipih sum leitawi late tungah nuamtak sa-in a met lakna tawh hauh lawh uh hi. Amaute in kei hong mangngilh uh hi, Topa Pasian in ci hi.

Jeremiah 22:17

Ahih hangin note in thu manlo tawh ngah nading ahi zongin, mimawh lote’ sisan luan’ nading ahi zongin, mi nuaisiahna leh ngongtat nading ahi zongin, na mitte uh leh na lungsim uh na zang uh hi.

Isaiah 11:13

Efraim in hazatna a neihnate bei ding a, Judah mi a galbawlte kisusia ding hi; Efraim in Judah haza nawn lo ding a, Judah in Efraim galbawl nawn lo ding hi.

Isaiah 1:4

Ah, a khial minam, mawhna tawh a gik mite, siatna a bawlte’ suan leh khakte, a gamtatsia tapate! Amaute in Topa nusia khin uh a, amaute in Israelte’ Siangtho Pa simmawh khin uh hi; amaute in amah nungngat uh hi.

2 KUMPI NIHNATE 2:23

Amah tua lai panin Beth-el-ah paito hi; lampi ah amah a paitoh lai takin khuapi panin naupang neu pawl khat hong paikhia-in amah zahko uh a, “Paito in, nang lukolhpa! Paito in, nang lukolhpa!” a ci uh hi.

Siampi Laibu 19:32

“Note in sam kangte mai-ah na kun ding uh a, puteekpa’ maitang zahtak-in note in na Pasian uh na kihta ding uh hi: keimah in Topa ka hi hi.

Isaiah 9:18

Bang hang hiam cih leh gitlohna pen mei bangin kuang a, lingkungte leh lingte kangtum sak hi; gamlak lopa phate kuang sak a, meikhu lomtangin van lamah kizialto uh hi.

Isaiah 19:2

Izipt mite amau leh amau ka kitawngsak ding hi, mi kim in sanggam khat leh khat ama vengte ciat do ding a, khua khat leh khua khat kido-in, mi khat leh khat, kumpigam khat leh khat kumpi-za kituh ding hi;

Micah 7:2

Leitungah mihoih teng bei khin ta a, Pasian tungah a thuman mi kuamah om nawn lo hi. Mi khempeuh in mi thah ding bek ngaihsun uh a, a kuamah peuh in a sanggampa ngen tawh beng hi.

Zekhariah 11:6

Tua ahih ciangin hih gam-a a teeng mite ka hehpih nawn kei ding hi. Amaute a ukpa leh a kumpipa’ khut nuai-ah mi khempeuh ka koih ding hi. Gam uk mite in gam sung teng susia gawp dinga amau’ suksiatna panin kuamah ka honkhia kei ding hi,” hong ci hi.