Isaiah 3:26 - Tedim Bible

²⁶ Khuapi kongpi pen tau-in thuum ding hi; khuapi pen gamkhing suakin, a tangguak-a om nupi bangin lei lakah tucip ding hi.

Tedim Bible Revision 2017

²⁶ Khuapi kongpi tau-in thum ding hi. Khuapi, gamkhing suak dinga, a guaktang a om nupi leilak ah a tucip tawh kibang ding hi.

Isaiah 3:26 Referans Kwoze

Kah la 2:10

Jerusalem puteekte in pau loin leilakah tu uh a, dahna lim lahna in ippi puan silhin a lu zang uh leivui a buak uh hi. Jerusalem nungak note in a kun ngelhngalh uh hi.

Jeremiah 14:2

“Judah gam kap a, a khuapite maimang dekdek hi. A mite in puanvom khu-in lei lakah a bok uh a, Jerusalem khua mite’ kahna aw ging hi.

Kah la 1:4

Ni siangtho ni cianga a bia dingin Biakinnpi ah kuamah a pai nawn kei hi. Tua lai-a lasa numeite in gimna thuak uh a, siampite a tau uh hi. Khuapi kongpi-ah kuamah om nawn lo a, Jerusalem khuapi in gimna a thuak hi.

JOB (Job) 2:13

Tua ciangin lei lakah sun sagih leh zan sagih sung amah tawh tukhawm uh a, ama thuakna a nasiat mahmah lam tak mu uh ahih manin kuamah in kam khat beek a paupih ngam kei uh hi.

Luka 19:44

Nang akipan na sunga om na tate leitungah a kipuksak ding ni a hong tung ding a; na sunga suang khat tungah suang kiciang khat beek a omsak kei ding uh hi. Bang hang hiam na cih leh, Pasian hong hawhna hun na thei kei hi,” a ci hi.

Ezekiel 26:16

Tuipi a zang minamte’ kumpite, a kumpi tokhom tung uh panin kum khia ding uh a, a kumpi puante uh leh a puan hoih silhte uh suah khia-in, lei lakah tu-in, lau-in a liing ding uh hi. Nangma thuakna hong muh manun lau mahmah ding uh a, a ci-liing uh pha thei lo ding uh hi.

JOB (Job) 2:8

Tua ciangin Job in beel kitam them khat la-in tua tawh kikhuatin vut lakah tu hi.

Isaiah 47:1

Nungak a bang Babilon aw, hong paisuk in la, leivui lakah tu in; nungak a bang Khaldea aw, tokhom om lohna lei lakah hong tusuk in! Bang hang hiam cih leh nang pen, a moi milmel, a ngeek dikdek, hong kici nawn lo ding hi.

Mattiu 11:17

Sumbukah tu-a a om naupangte in a lawmte saminah, ‘Tamngai ka tum uh hangin na laam kei uh hi. Ka thuum uh hangin na kap kei uh hi,’ a kici naupangte tawh kibang hi.

Isaiah 6:11

Tua ciangin keimah in “Topa aw, bang tanvei sawt ding ahi hiam?” ka ci hi. Amah in, khuapite-ah a teeng kuamah om loin hawm suakin, innte ah kuamah om loin kinusia a, leitang pen gamkhing suak kiuhkeuhin,

Isaiah 14:31

Filistia khuapi kongpite aw, nakpi-in kap un; khuapite aw, kiko un; Filistia mi khempeuh aw, lau-in liing un! Bang hang hiam cih leh leilu lam panin galkap honte’ hong paina leivui khu hong kitung a, tua galkapte lakah a meidawi khat beek om lo hi.”

Isaiah 29:2

Ahih hangin keimah in ‘Pasian’ biakna tau, a kici tungah gimna ka tungsak ding hi. Thuumna leh tauna om ding a, tua khuapi pen, biakna halna biakna tau suak ding hi.

Isaiah 33:9

Leitang kinusia cipin ommawk hi. Lebanon mual-a tulak singte vulgawp a, Sharon gam leihoih pen sehnel gam bang ta hi; Bashan mual leh Karmel mual-a singtehte pulh mang khin ta uh hi.

Jeremiah 15:8

Tuipi-a sehnel om zah sangin nupi meigong ka tamsak zaw ding hi; na tangvalte uh a khan’ cin laitakin ka that ding a, a nute uh ka thuaksak ding hi. No’ tungah thakhat thu-in lungkhamna leh launa kong tungsak ding hi.

Kah la 1:1

Khat vei lai-a mi a dim taka a teen’na Jerusalem khuapi in bang zah ta-a gamdai ahi hiam? Leitung bup in a zahtak khuapi tu-in meigong tawh a kibang hi. Leitung khuapi khempeuhte’ lak panin a thupipen tu-in sal-in a kiman khin zo hi.

Kah la 2:8

Topa in Jerusalem kulhpi a kipuk ding a ngaihsun khin zo hi. Amah in a vekpi in a kisia khin dingin a sehzo hi. Tausangte leh kulhpite tu-in a kisia khin pikpek ta hi.

Ezekiel 12:20

Mihing a dimna khuapite kisusia ding a, gamsung khempeuh gamkhing suak ding hi. Tua ciangin Topa ka hihna thu hong thei ding uh hi,” hong ci hi.

Micah 1:9

Bang hang hiam cih leh Samaria’ meima kidamsak thei lo a, Judah in zong tua bangmah a thuak ding ahi ta hi. Ka mite’ teen’na Jerusalem khua kongpi mahmah, tua siatna in hong ban ta hi.

Isaiah 32:14

Munmuanhuaite kinusia-in, mi tampi a omna kumpi khuapi kilawi ding hi. Mual leh tausangte zong kisia gawp ding a, late leh tuuhonte in gamtatna munin nei ding uh hi.