Isaiah 3:25 - Tedim Bible

²⁵ Na mite pen namsau tawh si ding uh a, a vanglian na mitepen gal sungah kisia ding uh hi.

Tedim Bible Revision 2017

²⁵ Na mite, namsau tawh si ding uh a, a vanglian na mite, gal sungah kisia ding uh hi.

Isaiah 3:25 Referans Kwoze

Amos 9:10

Keima mite sung panin, “I tungah siatna hong tung ngei lo ding hi,” a ci mawh neite khempeuh, gal sungah si ding uh hi.

Kah la 2:21

Khangno leh khanghamte kongzing tengah si uh hi. Galte in nungak tangval teng namsau tawh a thatlum uh hi. Amaute hehpih loin na heh ni-in na thatlum sak hi.

Jeremiah 21:9

Hih khuapi sunga a om mi peuhmah namsau tawh ahi zongin, kial tawh a hi zongin, pulnatna tawh a hi zongin a si ding uh hi. Ahih hangin pusuak khia-a, note a hong do Khalde mite kianga a lut peuhmah a nungta ding uh a, a suakta liailiai ding uh hi.

Jeremiah 19:7

Hih munah Judah mite leh Jerusalem mite’ ngimna ka tangtung sak kei ding a, a galte’ namsau leh a that nuamte’ khutlum-in amaute ka sisak ding hi. Amau’ si luangte huih laka leng vasate leh lei lak a ganhingte’ an dingin ka pia ding hi.

Jeremiah 18:21

Tua ahih manin a tate uh kial tawh puksi sak in la, amaute namsau-in si sak in. A zite uh tasel sak in la, meigong suaksak in. A pasalte uh pulnatna tawh si sak in la, a tangvalte uh gal sungah namsau tawh kithatlumsak in.

Jeremiah 14:18

Lo lai-ah paikhia leng, namsau-a kithat lumte bekbek ka mu a, khuapi sungah lut leng, kial-a puksite bekbek ka mu hi! Kamsangte leh siampite in koi-ah pai ding cih thei lo pi-in gam sungah an ngenin a vak kawikawi uh hi,’ ci-in va gen in.”

Jeremiah 11:22

a vanglian Topa in “En un, amaute ka daantat ding hi. A tangvalte uh namsau-in a si ding uh a, a tapate leh a tanute uh kial-in a puksi ding uh hi.

Isaiah 1:20

Ahih hangin note in kei hong nialin nong lehdo uh leh namsau in note hong vatmai ding hi; bang hang hiam cih leh Topa in hih thu gen khin zo hi.”

2 KHANG TANGTHU NIHNATE 29:9

Bang hang hiam cih leh en un, hih thu hangin namsau-in i pate puk uh a, i tapate leh i tanute leh i zite galmatin om uh hi.

Isaiah 65:12

namsau tawh a si dingin kong seh ding a, hong that dingte’ mai-ah na ngawng uh na dawh ding uh hi; bang hang hiam cih leh kong sap ciangin note in nong dawng kei uh a, thu ka gen ciangin nong ngai kei uh hi. Keima thu, man’ loh ding mah na utzaw uh a, a sia na gamta uh hi.

Jeremiah 15:8

Tuipi-a sehnel om zah sangin nupi meigong ka tamsak zaw ding hi; na tangvalte uh a khan’ cin laitakin ka that ding a, a nute uh ka thuaksak ding hi. No’ tungah thakhat thu-in lungkhamna leh launa kong tungsak ding hi.

2 KHANG TANGTHU NIHNATE 28:6

Bang hang hiam cih leh amaute in a pu pate uh’ Pasian, Topa nusia uh ahih manin Remaliah’ tapa Pekah in ni khat thu-in amaute galhang mihing tul zakhat leh tul sawmnih, Judah gam sungah that hi.