Isaiah 3:23 - Tedim Bible

²³ puanza neu vang siseihte, saihadial puan sungsilhte, dialkhipte leh kikhuhna puante lakhia ding hi.

Tedim Bible Revision 2017

²³ puan zaneu vang siseihte, saihadial puan sungsilhte, dialkhipte le kikhuhna puante la khia ding hi.

Isaiah 3:23 Referans Kwoze

Mangmuhna 19:14

Vantunga om galkapte in zong a siangtho a paak saihadial silhin sakol kaang tungah tuangin ama nung a zui uh hi.

Mangmuhna 19:8

A siangtho, a ngo mahmah saihadial puan silhna thu a ngah hi. Bang hang hiam i cih leh, tua saihadial puan in misiangthote’ dik gamtatna ahi hi,” ci-in a gen hi.

Luka 16:19

“Nidang lai-inah sumhaupa khat a om hi. Tua pa in puansan leh saihadial puan silhin ni simin nuamin an pha bel ne-in a om hi.

Ezekiel 16:10

Puanphan kizem hoihte tawh nang hong zemin, savun hoihpen tawh a kibawl khedap hong bulhsakin, saihadial puan hong khimsakin, naipuan tungsilh kong silhsak hi.

Solomon la 5:7

Khuasung a cing mite tawh ka kituak a, kei hong satin hong liamsak a, kulhzang-a a kileh den khuacingte in ka puantungsilh hawkkhia uh hi.

1 KHANG TANGTHU MASATE 15:27

David in saihadial puan tualpi silh a, tua mah bangin thuciamna singkuang a pua Levi mite khempeuh, leh lasate, leh lasate a uk Khenaniah-te in zong silh uh hi; tua ciangin David in siampi puan khat silh hi.

Ruth 3:15

Mipa in, “Na puansilh hong paipih in la hong dawh in,” a ci hi. Tua ahih ciangin numei in dawh a, amah in mangbuhham lawh guk teh khia-in tua nu guan’ hi; tua ciangin khuapi sungah tua nu ciah hi.

Paikhiatna 38:8

Amah in kikhopna buk kongkhakah na a sem numeite’ limlangte panin sumngo tawh kisilna kuang leh a ngakna bawl hi.

Piancilna 41:42

Tua ciangin Faro in a min gelhna zungbuh ama' khut tung panin suahkhia-in Josef' khut-ah bulhsak a, puan hoih mahmah tawh amah zemin, a ngawng-ah kham khainiang khat oksak hi;

Piancilna 24:65

nasempa' kiangah, “Hua lai-a mipa, eite hong dawn dinga gam lak-a hong pai kua ahi hiam?” ci hi. Nasempa in, “Ka topa hi,” ci hi. Tua ahih ciangin amah in a kikhuhna puan la-in kikhuh hi.

Isaiah 3:22

pawi puante, puanza neute, puanpite leh khutkhai ipte;

Isaiah 3:24

Paknamtui tangin uihna; kawnggak tangin khauhualpi; lim tak-a kizem sam tangin lu kolhna; puan hoih tangin puanhampi; mel hoihna tangin maizumna hun hong tung ding hi.

Isaiah 47:2

An gawina suangte la in la, an gawi in; na kikhuhna puan lakhia in la, na nik na puan suah-in gunte kantan in.

Zekhariah 3:5

Tua ciangin a sawltak vanmite thu pia a, Joshua’ lu tungah dial siangtho a khipsak ding uh sawl hi. Topa’ vantungmi tua munah a din’ sung mahin, amaute in zong Joshua, dial siangtho khimsakin, tua khit ciangin puan siangtho zong silhsak uh hi.