Isaiah 3:14 - Tedim Bible

¹⁴ Topa in, upate leh ama mite’ uliante tawh thukhen dingin kipan a; “Leenggui lo a ne tumte pen note na hi uh a, mizawngte’ na a kisutte note’ inn sungah om hi.

Tedim Bible Revision 2017

¹⁴ Topa pen upate le ama miteʼ uliante tawh thukhen dingin kipan a, “Leenggui lo a netumte, note na hi uh a, mizawngteʼ na a kisutte noteʼ inn sungah om hi.

Isaiah 3:14 Referans Kwoze

JOB (Job) 22:4

Nangmah in Pasian na zahtakna hangin, amah in nang hong tai-in hong ze-et hilo hi.

Jeim 2:6

Note na hih uh leh, mizawngte na thudon kei uh hi. Sum haute in note hong bawlsia uh a, thukhenna tokhom mai-ah hong kai uh hilo ahi hiam?

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Jeremiah 5:27

Bawm sung dimtak a, vasa kikhum bangin khemna tawh a ngah uh vante tawh a inn uh dim hi. Tua ahih manin amaute lianin hau uh a,

Isaiah 5:7

Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Late 143:2

Na nasempa, thu hong sit kei in; bang hang hiam cih leh nangma mai-ah mihing a dik kuamah om lo hi.

Late 14:4

Topa’ tunga a ngen lo, an nek bang a ka mite a netum, siatna a bawlte in theihna nei lo ahi hiam?

JOB (Job) 24:9

Migilote in pa nei nawn lo naupangte sila-in nei uh a, mizawngte’ tate leiba taangin la uh hi.

Mattiu 21:33

“Adang thugentehna khat na ngai un: Inn neipa khat in lo lai-ah leenggah kungte suan a, gawlin a um khit ciangin, leenggah cil nading to a, tausang buk khat a lam khit ciangin, lo khote khawh lawhsakin khual a zin san hi.

Micah 6:10

Thuman lopi-in a ngah uh, migilote’ inn sunga van omte, leh ka deih loh tawitehna man lo zatnate, mangngilh thei ding ka hi hiam?

Micah 2:2

Lo deih le uh, mi’ aa sut uh a, inn deih le uh, mi’ aa mah sut uh hi. Mite bawlsia-in, a inn leh a neihsa sut uh hi.

JOB (Job) 34:23

Pasian mai-ah mihingte in thukhenna a thuak ni ding, a kisehkhol hun om tuan lo hi.

JOB (Job) 24:14

A zawng a cimawhte a that dingin khuavak ma-in mithatpa kuankhia a, zan sungin mi’ na guksak hi.

Late 10:9

humpinelkai in a kua pan a buk bangin amah in buk sim-in, mizawngte man dingin buk a, mizawngte a ngenthang sungah kai-in man hi.

Paunak 30:14

A ha uh namsau tawh a kibang, a ha uh temta tawh a kibang, gam sunga mizawngte a netum, mi cimawhte a liaktum mi pawlkhat om hi.

Isaiah 10:1

A cimawh ka mite thutang heikhiat sakin, keima mite sungah a zawngte’ thuneihna sutkhia-in, meigong numeite’ neihsate amau’ aa suaksakin, pa nei lote’ neihsa a sut a man lo thukhensatna pia a, nenniamna thu lai-a, a gelhte in gimna ngah ta hen!

Isaiah 11:4

a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Isaiah 14:30

Mizawngte in keima gan khahna sungah an ne ding a, a cimawhte lungmuang takin lum hit-hiat ding hi; ahih hangin no Filistia mite, kialpi tawh kong that ding a, a suakta kha a omte laite keimah in ka that ding hi.

Isaiah 26:6

A zawng, a cimawh, a kinengniam mite in tu-in tua khua tuancil uh hi.”

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

Isaiah 30:12

Tua ahih ciangin Israelte’ Siangtho Pa in, “Note in hih thu simmawh-in, zawhthawhna leh khemna suangin, tuate muang na hih manun;

Isaiah 58:4

En un, note in a kitawng ding leh a kilai ding leh giloin khuttum tawh a kitum ding bekin an na tang uh hi. Tu ni-a hih bang lel-a antangin na thungetna uh hong kingai ding ahi hiam?

Ezekiel 18:12

Mizawng mi cimmawhte khem-in, mi’ na sut a, sum leitawi a lapa in khapna-a a piak nate pia kik loin kem suak hi. Milim bia-in a zumhuai-in gamta hi.

Ezekiel 20:35

Note pen minam tuamtuamte’ gamah kong paipih ding a, tua munah maitang kituahin note tungah thu kong khen ding hi.

Ezekiel 20:36

Izipt gamsung Sinai gamlakah na pu na pate uh tungah thu ka khen mah bangin tu-in note tungah thu kong khen ding hi, Topa Pasian in ci hi.

Micah 3:3

Ka mite’ sa na netum uh hi. A vun uh hawkin, a guh uh na satkham uh a, beel-a meh huan ding bangin na satnen gawp uh hi.

Siampi Laibu 25:14

Note in na vengte tungah na zuak uh ahi zongin na vengte kiang panun na lei uh ahi zongin note khat leh khat na kikhem kei ding uh hi.

Siampi Laibu 25:17

Note khat leh khat kikhem loin na Pasian uh na zahtak ding uh hi; bang hang hiam cih leh keimah in Topa na Pasian uh ka hi hi.

Jeremiah 12:10

Tuucing dang tampi in ka lenggah lo hong suksiat sak uh a, kei aa teng hong tuatcilsak uh hi. A hoih mahmah ka lenggah lo pawn lak, gamlak suaksak uh hi.

Amos 2:7

Amaute in mi zawngte’ lutang leivui lakah tuancil uh a, keima min siangtho a ninsak dingin, biakinn-a numei paktatte kiangah tangvalte leh papite pai uh hi.

Micah 2:1

A lupna tungah lumin gitlohna a geelgeelte in gimna ngah ta hen. Zingsang khua a vak ciangin, a hih theih ding hun a ngah phetun, a ngaihsutsa uh gitlohnate semkhia uh hi.